నేడు రాజధాని రణభేరి… తెలుగుదేశం పార్టీ కూడా

రాజధాని అమరావతి రైతుల దీక్షలు నేడు 250వ రోజుకు చేరకున్నాయి. ఈ సందర్బంగా వెలగపూడిలో ప్రత్యేకంగా అమరావతి జేఏసీ కార్యాలయాన్ని ప్రారంభించనున్నారు. రైతుల దీక్షలకు మద్దతుగా చంద్రబాబు రాష్ట్ర వ్యాప్తంగా నిరసనలు తెలియజేయాలని పిలుపు నిచ్చారు. రాష్ట్రంలోని ప్రతి గ్రామంలో నిరసనలు తెలపాలని చంద్రబాబు పార్టీ శ్రేణులకు పిలుపునిచ్చారు. సీపీఐ కూడా అమరావతి రైతులకు సంఘీభావంగా నేడు నిరసనలలో పాల్గొననుంది. అమరావతి రైతులు దీక్షలు చేపట్టి 250 రోజులు గడుస్తున్నా ప్రభుత్వం పట్టించుకోవడం లేదని విపక్షాలు విమర్శలు చేస్తున్నాయి. రాజధానిని అమరావతిలోనే కొనసాగించాలని డిమాండ్ చేస్తున్నాయి. రాజధాని రణభేరి పేరుతో దీక్షా శిబిరాల వద్ద ప్రత్యేక కార్యక్రమాలను ఏర్పాటు చేస్తున్నారు.