కేసీఆర్ ను పడగొట్టి తీరతాం

కేసీఆర్ పడగొట్టేందుకు మునుగోడు ఉప ఎన్నికతో శ్రీకారం చుట్టబోతున్నామని కేంద్ర హోంమంత్రి అమిత్ షా అన్నారు. కోమటిరెడ్డి రాజగోపాల్ రెడ్డిని పార్టీలో చేర్చుకునేందుకే తాను ఇక్కడకు వచ్చానని అన్నారు. కోమటిరెడ్డిని ఉప ఎన్నికల్లో గెలిపిస్తే కేసీఆర్ ప్రభుత్వం పడిపోతుందని అమిత్ షా తెలిపారు. టీఆర్ఎస్ పొగలాగా మాయమయిపోతుందని అన్నారు. పేదలకు ఇళ్లు ఇస్తామని అన్నారు ఇచ్చారా? అని ప్రశ్నించారు. మోదీ ఇచ్చే టాయిలెట్లను కూడా కేసీఆర్ అడ్డుకుంటున్నారని అన్నారు. దళితుడిని సీఎం చేస్తానని చెప్పిన కేసీఆర్ ఏం చేశారో తెలియదా? అని ప్రశ్నించారు. దళితులకు దళిత బంధు పథకం కింద పది లక్షలు ఇస్తామని చెప్పిన మాట ఏమయిందని, ప్రతి దళిత కుటుంబానికి మూడు ఎకరాల భూమి ఇస్తానని అన్నారని, ఎవరికైనా అందిందా? అని అమిత్ షా ప్రశ్నించారు.