ఏంది బాబూ ఈ లెక్కలు..? కులాలా? పార్టీలా?

వంగవీటి రాధా అంశం ఇప్పుడు ఏపీని ఊపేస్తుంది. తనపై హత్యకు కుట్ర జరిగిందని ఆరోపిస్తూ వంగవీటి రాధా చేసిన ఆరోపణలు సంచలనమే అయ్యాయి. రాధాపై హత్యకు కుట్ర చేసిందెవరు? అన్న దానిపై చర్చ జరుగుతుంది. నిజానికి వంగవీటి రాధా కు మంత్రి కొడాలి నాని, వల్లభనేని వంశీ ఇద్దరూ మంచి మిత్రులు. ఈ ముగ్గురికి దేవినేని కుటుంబానికి కొంత గ్యాప్ ఉంది. అయితే ఈ రెక్కీ జరిపింది బెజవాడలోని ఒక గ్రూపు అని వంగవీటి రాధా తన సన్నిహితులతో వ్యాఖ్యానిస్తున్నట్లు తెలిసింది. వంగవీటి రాధాకు ఒక అడ్వాంటేజీ ఉంది. ఆయనను కాపులు ఎంతగా అభిమానిస్తారో, అదే సమయంలో కమ్మ సామాజికవర్గం కూడా ఆదరిస్తుంది.