ఆనం .. పయనం ఖాయమైనట్లే

ఎన్నికలు దగ్గరపడుతున్నాయి. పార్టీల్లో అసంతృప్త నేతలు ఎవరికి వారే సర్దుకునే ప్రయత్నంలో ఉన్నారు. అధికార, ప్రతిపక్ష పార్టీల నుంచి జంప్ లు ఇక మొదలయ్యే అవకాశాలు స్పష్టంగా కనిపిస్తున్నాయి. పార్టీ హైకమాండ్ పై అసంతృప్తి, అసహనం పార్టీ మారడానికి ప్రధాన కారణాలుగా చెప్పాలి. ఇక సీనియర్ నేత, వెంకటగిరి ఎమ్మెల్యే ఆనం రామనారాయణరెడ్డి పార్టీ మారడం ఖాయంగా కనిపిస్తుంది. ఆయన తెలుగుదేశం పార్టీలోకి వెళతారన్న టాక్ నియోజకవర్గంలో బలంగా వినపడుతుంది. ఆత్మకూరు సీటును ఆనం కోసం చంద్రబాబు ఇప్పటికే రిజర్వ్ చేసి పెట్టారు. మేకపాటి కుటుంబాన్ని ధీటుగా ఎదుర్కొనాలంటే ఆనం ఒక్కడే నని చంద్రబాబు భావిస్తున్నారు. ఇందుకు ఆయన చేస్తున్న వ్యాఖ్యలు కూడా నిజమని అనిపించేలా ఉన్నాయి.