నారా నార తీస్తాం

టీడీపీ అధినేత చంద్రబాబుకు ధైర్యం ఉంటే తన 23 మంది ఎమ్మెల్యేల చేత రాజీనామా చేయించి మాట్లాడాలని వైసీపీ ఎమ్మెల్యే రోజా సవాల్ విసిరారు. చంద్రబాబు 29 గ్రామాలకే ప్రతిపక్ష నేతగా వ్యవహరిస్తున్నారన్నారు. అమరావతిపై రిఫరెండం కావాలంటే ముందు 23 మంది ఎమ్మెల్యేల చేత రాజీనామా చేయించాలన్నారు. చంద్రబాబు పనికిమాలిన ప్రతిపక్ష నేత అని రోజా ఫైరయ్యారు. నలభై ఏళ్ల యువకుడు జగన్ దెబ్బకు చంద్రబాబు జోలె పట్టుకున్నారన్నారు. తలకిందులుగా తపస్సు చేసినా ఈ బిల్లును ఆపలేరని రోజా తెలిపారు. మూడు ప్రాంతాల అభివృద్ధే జగన్ థ్యేయమన్నారు. కూకట్ పల్లి నుంచి మహిళలను తెప్పించి రాజధాని ప్రాంతంలో హడావిడి చేస్తున్నారు. ఏదైనా ఆటకం కల్గిస్తే నార తీస్తామని రోజా హెచ్చరించారు. చంద్రబాబు విజన్ 2020 కాదని 420 అని రోజా ఎద్దేవా చేశారు.