కుప్పం...లో వైసీపీ గేమ్ ప్లాన్ ఇదే

కుప్పం లో 2024 లో గెలిచేందుకు వైసీపీ అన్ని విధాలుగా ప్రయత్నాలు చేస్తుంది. చంద్రబాబును కుప్పం నియోజకవర్గానికే పరిమితం చేసేందుకు పావులు కదుపుతుంది. ఒకవైపు మైండ్ గేమ్ తో పాటు మరోవైపు గ్రౌండ్ ప్లాన్ ను సిద్ధం చేసుకుంది. తమిళ స్టార్ హీరో విశాల్ కుప్పంలో పోటీ చేస్తారని ప్రచారం చేసింది. అయితే విశాల్ మాత్రం తాను కుప్పంలో పోటీ చేయడం లేదని తేల్చి చెప్పారు. అసలు విషయం ఏంటంటే కుప్పంలో చివరి నిమిషంలో అభ్యర్థిని రంగంలోకి దించాలన్న యోచనలో వైసీపీ నేతలు ఉన్నారు. ఇప్పటికే కుప్పం నియోజకవర్గంపై మంత్రి పెద్దిరెడ్డి రామచంద్రారెడ్డి ప్రత్యేక దృష్టి పెట్టారు.