వల్లభనేని పై తిరుగుబాటు.. ఇన్ ఛార్జి పదవి ఇవ్వవద్దంటూ?

అయితే వల్లభనేని వంశీ తన కేసుల కోసం వైసీపీకి మద్దతుదారుగా మారారని లేఖలో కొందరు పేర్కొన్నారు. వల్లభనేని వంశీకి తప్ప ఎవరికి టిక్కెట్ కేటాయించినా వచ్చే ఎన్నికల్లో ముప్ఫయి వేల మెజారిటీతో విజయం సాధిస్తామని ఆ లేఖలో గన్నవరం వైసీపీ క్యాడర్, జగనన్న అభిమానుల పేరిట పేర్కొన్నారు. నియోజకవర్గంలో తక్షణం కొత్త ఇన్ చార్జిని నియమించాలని వారు లేఖలో పేర్కొన్నారు.

2019 ఎన్నికల్లో టీడీపీ నుంచి గన్నవరం నియోజకవర్గంలో ఎమ్మెల్యేగా గెలిచిన వల్లభనేని వంశీ తర్వాత వైసీపీకి మద్దతుదారుగా మారారు. గన్నవరంలో అప్పటికే ఉన్న వైసీపీ నేతలు వంశీ చేరికను వ్యతిరేకించినా జగన్ ఓకే చెప్పారు. అప్పటి నుంచి గన్నవరంలో రెండు గ్రూపులు తయారయ్యాయి. అయితే ఎటువంటి పేరు పెట్టిన ఈ లేఖను సీరియస్ గా తీసుకోవాల్సిన అవసరం లేదని వైసీపీ అధినాయకత్వం చెబుతుంది. కానీ గన్నవరం నియోజవకర్గానికి విజయసాయిరెడ్డికి ఎటువంటి సంబంధం లేదు. ఆయన ఉత్తరాంధ్ర జిల్లాల ఇన్ ఛార్జి. ఆయనకే ఈలేఖ ఎందుకు రాశారన్నది చర్చనీయాంశంగా మారింది.