బ్రేకింగ్....నంద్యాలలో ఉద్రిక్తత

నంద్యాలలో ఉద్రిక్తత చోటు చేసుకుంది. ఏడో వార్డులో దొంగ ఓట్లు పోలవుతున్నాయని రెండు వర్గాల మధ్య ఘర్షణ చోటు చేసుకుంది. ఉదయం నుంచి ప్రశాంతంగా జరుగుతున్న పోలింగ్ సమయం దగ్గర పడుతుండటంతో టీడీపీ, వైసీపీ ల మధ్య అనుమానాలు బయలుదేరాయి. ఏడో వార్డులో దొంగ ఓట్లు వేస్తున్నారని ఆరోణలు రావడంతో టీడీపీ, వైసీపీలు అక్కడకు చేరుకున్నాయి. రెండు వర్గాలు ఒకే చోట తారసపడటంతో తీవ్రస్థాయిలో ఘర్షణ జరిగింది. రెండు పార్టీల నేతలు బాహాబాహీకి దిగారు. వెంటనే రంగ ప్రవేశం చేసిన పోలీసులు రెండు వర్గాలనూ అదుపులోకి తీసుకున్నారు. దొంగ ఓట్లు పోలవుతున్నాయని, డబ్బులు పంచుతున్నారని వదంతులు రావడంతోనే ఇరు వర్గాలు బాహాబాహీకి తలపడ్డాయి.