ఉక్రెయిన్ లో ప్రకాశం జిల్లా విద్యార్థులు.. ఆందోళనలో పేరెంట్స్

తెలుగు రాష్ట్రాలకు చెందిన చాలా మంది విద్యార్థులు ఉక్రెయిన్ సరిహద్దుల్లో చిక్కుకుపోయారు. అక్కడ చిక్కుకున్న వారిని ఎలాగైనా స్వ రాష్ట్రాలకు తీసుకొచ్చేందుకు రాష్ట్ర మంత్రులు ప్రయత్నిస్తున్నారు. ప్రకాశం జిల్లాకు చెందిన కొందరు విద్యార్థులు ఉక్రెయిన్ లో చిక్కుకున్నట్లు తెలుస్తోంది. ఒంగోలు సాయిబాబా నగర్ కు చెందిన సంపత్, బలరాంకాలనీకీ చెందిన పుట్టా సాయి లక్ష్మి జశ్వంత్, అద్దంకి నియోకవర్గంలో మరో ముగ్గురు విధ్యార్ధులు యుక్రెయిన్ లో చిక్కుకుపోయారు. వీఎన్ కరాజీన్ కార్కివ్ యూనివర్సిటీలో ఇద్దరు విధ్యార్ధులు ఎంబీబీఎస్ రెండవ సంవత్సరం చదువుతున్నారు. శుక్రవారం ఉదయం తల్లిదండ్రులకు ఫోన్ చేసి ఆందోళన చెందొద్దని, నెట్ వర్క్ ఆగిపోతున్న కారణంగా శనివారం ఉదయం కాల్ చేస్తామంటూ తల్లిదండ్రులకు విద్యార్థులు తెలియచేశారు. నెట్ వర్క్ ఆగిపోవడం.. వారి వారి ఫోన్ నెంబర్లు పనిచేయక పోవడంపై కుటుంబ సభ్యులు ఆందోళన చెందుతున్నారు. పీఎం మోదీ వెంటనే చొరవ తీసుకుని తమ వారిని సురక్షితంగా చేర్చేలా చర్యలు తీసుకోవాలని అభ్యర్థించారు.