Fact Check: چاند پر خلابازوں کو دکھایا گیا ایک ویڈیو چندریان 3 سے تعلق کا جھوٹا دعویٰ کرتا ہے، یہ خیالی ہے
سائنسی تحقیقی ٹیم کے ساتھ ہندوستانی چندریان-3 کو بھی لانچ کیا گیا ہے۔ بیک گراونڈ میں ایک ہندی گانا بھی بج رہا ہے۔
Claim :
ایک ویڈیو میں بتایا گیا ہے کہ سائنسی ٹیم چندریان 3 کے چاند پر پہنچنے کے بعد تحقیق کررہی ہےFact :
یہ ویڈیو خیالی ہے۔ اس میں خلا بازوں کو چاند پر لینڈ کرتے ہوئے اور تحقیق کرتے ہوئے نہیں دکھایا گیا ہے
14 جولائی 2023 کو چاند پر اترنے والا ہندوستانی خلائی جہاز، چندریان -3 لانچ کیا گیا تھا، 40 دن کا سفر مکمل کرنے کے بعد 23 اگست کو چاند پر آرام سے لینڈنگ کرنے والا ہے۔ دریں اثنا، یہ چاند کی تصاویر حاصل کر رہا ہے اور اسرو انہیں اپنے سوشل میڈیا اکاؤنٹس پر شائع کر رہا ہے۔
اسرو کا یہ مشن ہندوستانی شہریوں کے ساتھ ساتھ سوشل میڈیا یوزرس کے درمیان کافی مقبول ہوا ہے اور چندریان کے ذریعے بھیجی جارہی تصاویر اور ویڈیوز کو لوگ سوشل میڈیا پر خوب شیئر کررہے ہیں۔ کچھ یوزرس نے ایک ویڈیو ہندی زبان میں شیئر کرتے ہوئے دعویٰ کیا ہے کہ سائنسی تحقیقی ٹیم کے ساتھ ہندوستانی چندریان-3 کو بھی لانچ کیا گیا ہے۔ بیک گراونڈ میں ایک ہندی گانا بھی بج رہا ہے۔ ہندی میں یہ دعویٰ کچھ اس طرح کیا گیا ہے: “चंद्रयान 3 लॉन्च के बाद वैज्ञानिक सर्च टाईम इस बार भारत ने कुछ अलग कर दिया लास्ट विडीयो देखे”
جب اسے ترجمہ کیا گیا تو یہ دعویٰ کچھ اس طرح ہے: ’’چندریان3 لانچ کے بعد سائنسی تحقیقی وقت، اس مرتبہ ہندوستان نے کچھ الگ کردیا، آخری ویڈیو دیکھیں۔‘‘
متعدد فیس بک کے صارفین نے ایک ویڈیو شیئر کی ہے جس میں دو خلابازوں کو ایک سیارے (ممکنہ طور پر چاند) پر چہل قدمی کرتے اور وہاں سے ملنے والے ملبے کو تلاش کرتے ہوئے دکھایا گیا ہے۔ ویڈیو میں کچھ اور لوگ بھی نظر آ رہے ہیں۔
https://www.facebook.com/reel/279207291386323
فیکٹ چیک
یہ دعویٰ گمراہ کن ہے۔ ویڈیو خیالی ہے، جب کہ چندریان-3 جیسا کہ اسرو کی جانب سے دعویٰ کیا گیا ہے کہ یہ بغیر پائلٹ والا مشن ہے۔
اسرو کے مطابق، چندریان-3 یہ چندریان-2 کا فالوآن مشن ہے جو چاند کی سطح پر محفوظ لینڈنگ اور گھومنے کی صلاحیت کو ظاہر کرتا ہے۔ یہ ایک بغیر پائلٹ مشن ہے جس میں ایک مقامی لینڈر ماڈیول، ایک پروپلشن ماڈیول، اور ایک روور شامل ہے۔
لینڈر نرمی سے چاند پر اترے گا اور روور کو تعینات کرے گا جو چاند کی سطح کا اندرونی کیمیائی تجزیہ کرے گا۔ لہذا، تمام تحقیقی کام روور کریں گے نہ کہ خلاباز۔
جب ہم نے اس دعوے کی تحقیق کے لیے ریورس امیج سرچ کا عمل ، ویڈیو سے نکالے گئے کی فریم کی مدد سے کیا تو ہمیں یوٹیوب کا ایک ویڈیو ملا جو وائرل ویڈیو کے مماثل ہے۔ یہ ویڈیو ’ٹرانسفارمر3: ڈارک آف دی مون‘ کا تھیٹریکل ٹریلر ہے جسے 29 اپریل،2011 میں شائع کیا گیا تھا۔ تفصیل میں کہا گیا ہے کہ ویڈیو میں’ٹرانسفارمرز: ڈارک آف دی مون‘ کا دوسرا تھیٹر ٹریلر ایچ ڈی میں دکھایا گیا ہے، جو 29 جون 2011 کو تھری ڈی اور IMAX سینما گھروں کی زینت بنے گا۔
مئی 2021 میں شائع ہونے والی ایک ویڈیو بھی ہمیں ملی، جس کا عنوان تھا 'Transformers 3 - Apollo 11ـ فائنڈس ایلین اسپیس شپ آن دی مون ۔ یہ ویڈیو Cinematic Style نامی یوٹیوب چینل کی جانب سے پبلش کیا گیا ہے۔ ویڈیو کی تفصیل میں کہا گیا ہے کہ ‘اپولو 11 چاند پر پہنچ کر تباہ شدہ آٹوبوٹ اسپیس شپ کو ڈھونڈتا ہے۔ ٹرانسفارمرز: ڈارک آف دی مون 2011 کا منظر۔
جب ہم باریکی سے معائنہ کریں، تو ہم دیکھ سکتے ہیں کہ اس یوٹیوب ویڈیو کے 3.24 منٹ سے 4.54 منٹ کا حصہ وائرل ویڈیو میں دکھایا گیا ہے۔
اس لیے اس ویڈیو کا تعلق چندریان -3 مہم سے نہیں ہے کیونکہ یہ ایک بغیر پائلٹ کے مشن ہے۔ دعویٰ گمراہ کن ہے۔
