Fact Check: اننت امبانی کی شادی میں سلمان خان اور ایشوریا رائے کو ایک ساتھ دکھانے والی وائرل تصویر ترمیم شدہ
سلمان خان اور ایشوریا رائے کو اننت امبانی اور رادھیکا مرچنٹ کی شادی کی تقریب میں ایک ساتھ دکھانے والی مبینہ تصویر حقیقی نہیں ہے۔ اس تصویر میں ڈیجیٹل طور پر ترمیم کی گئی ہے
![Salman Khan, aishwarya rai, Anant Ambani wedding, Anant Ambani Radhika Wedding, Amitabh Bachchan Salman Khan, aishwarya rai, Anant Ambani wedding, Anant Ambani Radhika Wedding, Amitabh Bachchan](https://www.telugupost.com/h-upload/2024/07/22/1639747-salman-aishwarya.webp)
Claim :
اننت امبانی کی شادی میں سلمان خان اور ایشوریا رائے کی ارپیتا خان کے ساتھ تصویریں وائرلFact :
وائرل تصویر میں ترمیم کی گئی ہے۔ جھوٹے دعوے کو عام کرنے کیلئے دو مختلف تصاویر کو یکجا کیا گیا ہے
سات مہینوں تک چلی قبل از وقت شادی تقریبات کے بعد بالآخر اننت امبانی اور رادھیکا مرچنٹ 12 جولائی 2024 کو شادی کے بندھن میں بندھ گئے۔ شادی کی تقریب میں معروف سیلبرٹی کم کارڈیشین، ریزلر اور اداکار جان سینا، سابق برطانوی رہنما ٹونی بلیئر اور بورس جانسن جیسی مشہور شخصیات نے شرکت کی۔ بالی ووڈ کی دنیا پریانکا چوپڑا، ایشوریا رائے، امیتابھ بچن اور ان کی فیملی، شاہ رخ خان، سلمان خان سمیت بالی ووڈ کی مشہور شخصیات نے بھی تقریب میں شرکت کی۔ تاہم ایشوریہ رائے کی اپنے شوہر ابھیشیک بچن اور خاندان کے دیگر افراد کے بغیر شادی کی تقریب میں علاحیدہ شرکت حاضرین اور انٹرنیٹ صارفین میں موضوع بحث بنی ہوئِی ہے۔
شادی میں شرکت سے قبل مہمانوں کو تقریب کے مقام کے باہر لگے میڈیا اسٹیج پر فوٹوز کھنچواتے دیکھا گیا۔اس ضمن میں سوشل میڈیا پرایشوریا رائے کی سلمان خان اور ان کی بہن ارپیتا خان کے ساتھ ایک تصویر وائرل ہورہی ہے جس میں دعویٰ کیا جارہا ہے کہ ایشوریہ رائے اور سلمان خان نے ابھیشیک بچن اور ان کے اہل خانہ کو چھوڑدینے کے بعد ایک ساتھ تصویر کھینچوائی ہے۔
کچھ سوشل میڈیا صارفین نے اس تصویر کو شیئر کرتے ہوئے کیپشن میں لکھا کہ 'سلمان ایشوریا۔ ایشوریہ بچن فیملی کے ساتھ نہیں آئی تھیں اور اب وہ سلمان بھائی کے ساتھ تصاویر لے رہی ہیں۔ یہ میرا پاگل پن کی حد ہے۔
فیکٹ چیک:
یہ دعویٰ غلط ہے۔ سلمان خان کی ارپیتا خان کے ساتھ اور ایشوریا رائے کی اپنی بیٹی آرادھیا کے ساتھ کھینچی گئِی دو الگ الگ تصاویر کو سافٹ وئیر کی مدد سے جوڑ کر جھوٹا دعویٰ کیا گیا ہے۔
جب ہم نے ریورس امیج سرچ کا استعمال کرتے ہوئے اس تصویر کو سرچ کیا تو ہمیں کچھ ویڈیوز اور تصاویر ملے جن سے ظاہر ہوتا ہے کہ سلمان خان نے اکیلے تصویریں کھنچوائی تھی نہ کہ ایشوریہ رائے کے ساتھ۔ 'وائرل بالی ووڈ' نامی یوٹیوب چینل پر پوسٹ کردہ ایک ویڈیو میں سلمان خان کو اننت امبانی اور رادھیکا مرچنٹ کی شادی میں پہنچتے ہوئے دکھایا گیا ہے۔ وہ تھوڑی دیر کے لئے میڈیا کے لئے اکیلے پوز دیتے ہیں اور پھر ان کے ساتھ ان کی بہن ارپیتا خان بھی شامل ہوجاتی ہیں۔
ہمیں یہ بھی پتہ چلا کہ کئی نیوز ویب سائٹس نے سلمان خان کی ارپیتا خان کے ساتھ شادی میں پہنچنے کی تصاویر پوسٹ کی ہیں۔
پھر ہمیں 'منا اسٹارز' نامی ایک یوٹیوب چینل کے ذریعہ پوسٹ کردہ ایک ویڈیو بھی ملا جس میں ایشوریہ رائے اپنی بیٹی آرادھیا کے ساتھ تقریب کے حال میں داخل ہوتی اور تصاویر کے لئے پوز دیتی نظر آرہی ہیں۔
ہمیں اے این آئی کے ذریعہ پوسٹ کردہ ایک تصویر ملی جس میں ایشوریہ اپنی بیٹی کے ساتھ پوز دے رہی ہیں ، جو وائرل تصویر میں ان کے پوز اور لباس سے میل کھاتی ہے۔ اس سے ثابت ہوتا ہے کہ وائرل تصویر کو ڈیجیٹل طور پر تبدیل کیا گیا ہے ، جس میں ایشوریہ رائے کو ایک اور تصویر میں شامل کیا گیا ہے جس میں سلمان خان اور ان کی بہن ارپیتا خان نظر آرہے ہیں۔
لہذا ایشوریا رائے کی سلمان خان کے ساتھ تصویروں کے لئے پوز دیتے ہوئے وائرل ہونے والی تصویر کو ایڈٹ کیا گیا ہے۔ یہ دعویٰ غلط ہے۔