Fact Check:سولر پینل کی توڑ پھوڑ کا پرانا ویڈیو گمراہ کن دعوے کے ساتھ دوبارہ وائرل
مہاراشٹرا کے چالیس گاوں میں مزدوروں کی اجرت کی عدم ادائیگی پر 100 میگاواٹ کی سولر پینل کی تنصیبات پر توڑ پھوڑ کی کارروائی کا پرانا ویڈیو گمراہ کن دعوے کے ساتھ دوبارہ وائرل کیا جارہا ہے۔
Claim :
مذہبی عقیدہ کی بنیاد پر بھارت میں سولر پینل کی تباہیFact :
مہاراشٹرا کے چالیس گاوں میں اجرت نہ ملنے پر برہم مزدوروں کی جانب سے توڑ پھوڑ کا پرانا ویڈیو گمراہ کن دعوے کے ساتھ دوبارہ وائرل
حالیہ دنوں میں بھارت نے شمسی توانائی سے 70 ہزار سے زائد میگاواٹ بجلی پیدا کرنے کا ہدف پار کرلیا ہے۔ شمسی توانائی سے بجلی بنانے کے معاملے میں راجستھان شمار دیگر ریاستوں کے مقابلے سرفہرست ہے۔
شمسی توانائی سے بجلی بنانے کے معاملے میں تلنگانہ اور آندھرا پردیش ریاستیں، 4 ہزار سے زائد میگاواٹ بجلی کے ساتھ بالترتیب چھٹے اور ساتویں مقام پرہیں۔ تلنگانہ کے ناگر کرنول ضلع میں کونڈہ ریڈی پلّی نامی گاوں کو پوری طرح سے شمسی توانائی سے لیس گاوں قراردینے کے امکانات ہیں۔
اس بیچ، سوشل میڈیا پر ایک پیغام وائرل ہورہا ہے جس میں چند لوگوں کو سولر پینل یعنی شمسی پلیٹس کو ہتوڑی سے توڑتے دکھاکر دعویٰ کیا گیا ہیکہ 'ہندو پنڈت کے کہنے پر عوام' سولر پینل کی توڑ پھوڑ کررہی ہے۔
ترکی کے RTE Urdu نے اس ویڈیو کو اردو کیپشن کے ساتھ شئیر کیا ہے: "بھارت میں ہندو پنڈت کے کہنے پر عوام نے سولر پلیٹس پر حملہ کر دیا۔ پنڈت کا کہنا تھا کہ اگر ہم سولر انرجی استعمال کریں گے تو سورج دیوتا کو پریشان کر دیں گے۔"
تلگو پوسٹ فیکٹ چیک ٹیم نے اپنی تحقیق میں پایا کہ وائرل ویڈیو پرانا ہے جسے گمراہ کن دعوے کے ساتھ دوبارہ شئیر کیا جارہا ہے۔
وائرل دعوے کی جانچ پڑتال کیلئے سب سے پہلے ہم نے اس ویڈیو سے چند کلیدی فریمس حاصل کئے اور انکی مدد سے گوگل ریورس امیج سرچ کیا تو ہمیں اس واقعے کی توثیق کرتے کئ نیوز آرٹیکلس اور ویڈیوز ملے۔
ہمیں 21 جون 2018 کو HetoGrow Capital نامی افریقی یوٹیوب چینل پر یہ ویڈیو ملا جس میں یہی دعویٰ کیا گیا تھا کہ 'یقین نہیں ہوتا کہ ہندو پجاری کے کہنے پر کہ سولر پینل بھگوان کے خلاف ہیں، اسلئے گاوں والوں نے یہاں توڑ پھوڑ مچائی۔'
" This is supposedly a world bank solar power installation in India in a village to provide electricity and water supply. 😳😳😳😳 But The villagers took action to destroy the installation after a Hindu Priest claimed the solar panels were fighting their gods. 😢😢😢😢. Freaking unbelievable! "
ہمیں اپنی تحقیق کے دوران GO News کا ایک ٹوئیٹ ملا۔ 21 فروری 2018 کو کئے گئے اس ٹوئیٹ میں بتایا گیا ہیکہ مہاراشٹرا کے چالیس گاوں میں مزدوروں نے اجرت نہ ملنے پر سولر پینل کو نقصان پہنچایا۔
اس آرٹیکل میں این ڈی ٹی وی کی نیوز اینکر گارگی راوت کی ٹوئیٹ شامل کی گئی جس میں انہوں نے climat samurai کے حوالے سے کہا تھا کہ مہاراشٹرا میں 100 میگاواٹ کے سولر پلانٹ کے مزدوروں نے محنتانہ نہ ملنے پر پلانٹ پر تباہی مچائی۔
