Fact Check: عربی ثوب پہنے نوجوان کے لڑکیوں کا برقعہ اتارنے کا اسکرپٹیڈ ویڈیو گمراہ کن دعوے کے ساتھ وائرل

اس پس منظر میں سوشل میڈیا پر حجاب سے متعلق کئی ایک ویڈیوز شئیر کئے جاتے رہے ہیں۔ حالیہ دنوں میں ایک اور ویڈیو وائرل کیا جارہا ہے۔ اس وائرل ویڈیو کے پوسٹ میں یہ باور کرانے کی کوشش کی گئی ہے حقیقی مسلمان اپنی بیوی اور بیٹیوں کو حجاب یا برقعہ نہیں پہناتے۔ ویڈیو میں ایک شخص عربوں کا روایتی ثوب پہنے دو برقعہ پوش لڑکیوں کے ساتھ داخل ہوتا ہے۔ اور پھر انہیں اپنا برقعہ اتارنے کیلئے کہتا ہے۔ برقعہ اتارنے کے بعد نیم برہنہ جم کیلئے موزوں لباس میں ملبوس نوجوان لڑکیوں کو دیکھ کر جم میں ورزش کرنے والے دیگر مرد وخواتین حیران ہوجاتے ہیں۔

دعویٰ: Sheikh was asked, why are you removing the hijab of your wives ? Sheikh replied- I am not a Convert, I am an Original Sheikh and This is My Personal Choice.

ترجمہ: "شیخ سے پوچھا گیا کہ آپ اپنی بیویوں کا حجاب کیوں اتار رہے ہیں؟ شیخ صاحب نے اس کے جواب میں کہا کہ میں پیدائشی مسلمان ہوں، میں اصل شیخ ہوں اور یہ میری مرضی ہے۔"

فیکٹ چیک:

تلگو پوسٹ کی فیکٹ چیک ٹیم نے اپنی جانچ پڑتال کے دوران پایا کہ وائرل ویڈیو ایک اسکرپٹیڈ ویڈیو اور اس میں کیا گیا دعویٰ فرضی ہے۔

وائرل ویڈیو کے کلیدی فریمس کی مدد سے ہم نے گوگل ریورس امیج سرچ کرنے پر ہمیں فیس بک پر ویڈیو میں دکھائے گئے شخص سے ملتا جلتا ایک مختلف ویڈیو ملا۔

اس سوشل میڈیا یوزر کا ایک انسٹاگرام اکاونٹ بھی ہے جس میں اسے وائرل ویڈیو میں دکھائے گئے لباس میں ملبوس خواتین کے ساتھ سڑک پر چہل قدمی کرتے ہوئے دکھایا گیا ہے۔

اس یوزر کے فیس بک اکاونٹ کے پرانے ریلس یعنی ویڈیوس کو سرچ کرنے پر ہمیں وائرل پوسٹ میں شامل ویڈیو ملا۔

ان حقائق کی بنیاد پر واضح ہوتا ہیکہ وائرل پوسٹ میں کیا گیا دعویٰ من گھڑت ہے جو عوام کو گمراہ کرنے کیلئے شئِیر کیا جارہا ہے۔