Fact Check: پاکستان-آسٹریلیا میچ سے قبل بنگلورو اسٹیڈیم کے قریب بم دھماکے میں آگ لگنے کا دعویٰ کرنے والی ویڈیو گمراہ کن ہے
جب پاکستانی ٹیم بنگلورو پہنچی اور میچ سے قبل اسٹیڈیم میں پریکٹس سیشن کر رہی تھی، تو ایک کمرشیل عمارت میں آگ لگنے کا حادثہ پیش آیا۔
Claim :
پاکستان اور آسٹریلیا کے درمیان میچ سے قبل بنگلورو اسٹیڈیم کے قریب بم دھماکہ پیش آیاFact :
یہ دھماکہ بنگلورو کے ایک پب میں ایل پی جی گیس سلنڈر پھٹنے سے ہوا۔
ہندوستان ورلڈ کپ کرکٹ 2023 کے میچز کی میزبانی کر رہا ہے۔ آسٹریلیا اور پاکستان 20 اکتوبر 2023 کو بنگلورو کے چناسوامی اسٹیڈیم میں آمنے سامنے تھے۔ پاکستان آسٹریلیا سے میچ ہار گیا۔ جب پاکستانی ٹیم بنگلورو پہنچی اور میچ سے قبل اسٹیڈیم میں پریکٹس سیشن کر رہی تھی، تو ایک کمرشیل عمارت میں آگ لگنے کا حادثہ پیش آیا۔ واقعے کی ویڈیو وائرل ہو کر دعویٰ کیا گیا ہے کہ آگ بم دھماکے سے لگی۔
یہ ویڈیو اس کیپشن کے ساتھ گردش کررہی ہے: ’’بنگلورو میں پاکستان بمقابلہ آسٹریلیا میچ سے قبل بم دھماکہ، انڈیا ایٹ مڈپائپ کیفے۔ ’پاکستان کا پریکٹس سیشن‘ #cwc2023 #cwc23india
فیکٹ چیک:
دعویٰ گمراہ کن ہے۔ آتشزدگی کا واقعہ ایل پی جی گیس سلینڈر میں دھماکہ کے باعث پیش آیا نہ کہ بم دھماکے کی وجہ سے۔
وائرل ویڈیو سے نکالے گئے کی فریم پر جب ہم نے گوگل ریورس امیج سرچ کا عمل کیا تو ہم نے چند آرٹیکل دستیاب پائے جو بتاتے ہیں کہ آتشزدگی سلینڈر میں دھماکہ کے باعث ہوئی ہے۔
Livemint.com کے ایک آرٹیکل کے مطابق، بنگلورو کے کورامنگلا علاقے میں 18 اکتوبر کو صبح 11.45 بجے ایک رووف ٹاپ کیفے اور بار میں آگ لگ گئی اور ایک شخص نے آگ کی شعلوں سے بچنے کے لیے چوتھی منزل سے چھلانگ لگا دی۔ ریستوراں اور بار کے کچن میں رکھے متعدد گیس سلنڈروں میں دھماکوں کے بعد آگ پوری عمارت میں تیزی سے پھیل گئی۔ پہلا دھماکا اس وقت ہوا جب ایک سلنڈر سے گیس لیک ہونے کے بعد آگ لگ گئی جس کے بعد مزید 3-4 سلنڈروں کو آگ لگ گئی۔ فائر بریگیڈ کی کم از کم چھ گاڑیوں کے ساتھ فائر فائٹرز جائے وقوعہ پر پہنچے جنہوں نے آگ پر قابو پالیا۔
Navbharattimes.com کے مطابق، پولیس نے کہا کہ ابتدائی طور پر ایسا لگتا ہے کہ آگ مڈپائپ ہُکا کیفے کے کچن میں گیس لیکیج کی وجہ سے لگی۔ کچھ ہی دیر میں آگ نے پورے پب کو اپنی لپیٹ میں لے لیا۔
یہ دعویٰ Karnataka statePolice نے بھی واضح کیا ہے جس میں بتایا گیا ہے کہ یہ واقعہ مڈپائپ کیفے، کورمنگلا، بنگلورو میں پیش آیا ہے۔ ابتدائی تحقیقات سے پتہ چلتا ہے کہ MUDPIPE نامی کیفے میں آگ سلنڈر سے گیس کے اخراج کی وجہ سے لگی۔ فائر ڈپارٹمنٹ، این ڈی آر ایف، بنگلور سٹی پولیس اور عوام نے جلد از جلد آگ پر قابو پانے میں قابل ستائش کام کیا ہے اور اس بات کو یقینی بنایا ہے کہ زخمیوں کو علاج کے لیے اسپتال منتقل کیا جائے۔
لہٰذا، یہ دعویٰ کہ 18 اکتوبر 2023 کو آگ لگنے کا واقعہ بم دھماکے کی وجہ سے ہوا، گمراہ کن ہے۔ آگ بنگلورو میں ایک پب کے کچن سیکشن میں ایل پی جی گیس سلنڈر پھٹنے کی وجہ سے لگی۔
