Fact Check: غازی آباد میں آٹے میں پیشاب ملاتی پکڑی گئی کام والی خاتون کی خبر فرقہ وارانہ بیانئے کے ساتھ وائرل
سوشل میڈیا پرغازی آباد کی ایک خبر وائرل ہورہی ہے جس میں دعویٰ کیا گیا ہیکہ آٹے میں پیشاب ملاتی پکڑی گئی کام والی بائی مسلم ہے جبکہ ملزمہ کی پہچان رینا دیوی کی حیثیت سے کی گئی۔
Claim :
رینا کے نام سے مسلم کام والی بائی گھر کے پکوان میں پیشاب ملاتی پکڑی گئیFact :
غازی آباد میں آٹے میں پیشاب ملانے پر گرفتار کی گئی ملزمہ کا نام رینا دیوی ہے
حالیہ دنوں میں کھانے پینے کی چیزوں میں کیڑے نکل آنے اور انکی تیاری میں صفائی ستھرائی کا خاص خیال نہ رکھنے پر تلنگانہ فوڈ سیفٹی محکمہ کے حکام حیدرآباد اور دیگر اضلاع میں مختلف ریستورانوں پر چھاپے مار کر ان میں FSSAI کی خلاف ورزیوں پر انتظامیہ کے خلاف کارروائی کررہے ہیں۔
اس بیچ سوشل میڈیا پر abp ہندی ٹی وی نیوز چینل کا ویڈیو شئیر کرتے ہوئے دعویٰ کیا جارہا ہیکہ 'روبینہ خاتون' نامی نوکرانی 'رینا' کے نام سے غازی آباد کے ایک گھر میں گذشتہ آٹھ برسوں سے اپنے پیشاب سے پکوان کرتی تھی۔
घर पे आती थी खाना बनाने वाली..
रुबीना खातून रीना बनकर पिछले 8 वर्ष से
खाने पीने की चीज़ों में मिलाती थी पेशाब...
पूरा घर बीमार हुआ तोटेस्ट में पेशाब मिला..
जब घर की मालकिन को शक हुआ तो उसने घर मे कैमरा छिपाकर लगवाया तब पूरी सच्चाई पता चली की खातून रीना बन कर खाने पीने की चीज़ों में आपना पेशाब मिला रही थी
हिन्दुयों अच्छे से जांच करके की घर मे प्रवेश करने दे अन्यथा थूकेला मूतेला खाना पड़ेगा..
ترجمہ:گھر پر آتی تھی وہ کھانا پکانے والی۔
روبینہ خاتون رینا کے نام سے گزشتہ 8 سال سے کام کرتی تھی
کھانے پینے کی چیزوں میں پیشاب ملاتی تھی ...
پورا گھر بیمار پڑنے پرٹیسٹ کیا گیا تو پتہ چلا کہ انکے کھانے میں پیشاب ملایا گیا تھا۔
جب گھر کی مالکن کو شبہ ہوا تو اس نے رسوئی میں کیمرہ چھپاکر رکھا پھر پوری سچائی سامنے آئی کہ خاتون، رینا کے نام سے کھانے پینے میں اپنا پیشاب ملا رہی تھی۔
ہندو عوام اچھی طرح چیک کرکے ان لوگوں کو گھر میں داخل ہونے دیں، ورنہ انہیں ایسا کھانا ملیگا۔
تلگو پوسٹ کی فیکٹ چیک ٹیم نے اپنی جانچ پڑتال کے دوران پایا کہ عوام کو گمراہ کرنے کیلئے اس پوسٹ کو فرقہ وارانہ بیانئے کے ساتھ پھیلایا جارہا ہے۔
وائرل پوسٹ میں ایک سی سی ٹی وی فوٹیج کا کلپ ہے جسے abp چینل نے نشر کیا ہے اور اس میں لوکیشن کی جگہ غازی آباد بتایا گیا ہے۔
اس جانکاری کی مدد سے جب ہم نے یوٹیوب پر سرچ کیا تو ہمیں چند گھنٹوں قبل نشر کردہ abp چینل کی رپورٹ ملی۔ اس رپورٹ میں 2:55 سے اس معاملے کی خبر دیکھ سکتے ہیں۔ اس رپورٹ میں پولیس اہلکار لیپی ناگائچ نے بتایا کہ رینا نامی بائی کو آٹے میں پیشاب ملانے کے الزام میں گرفتار کیا گیا۔
اس بیچ واقعہ کے رپورٹنگ میں حجاب پہنی مسلم خاتون کی تصویر دکھانے پر سوشل میڈیا صارفین نے 'لائیو ہندوستان' نیوز پورٹل کو سخت تنقید کا نشانہ بنایا۔ مختلف گوشوں سے تنقیدوں کی بوچھار کے بعد ہندی نیوز پورٹل نے اپنے آرٹیکل کی تصویر بدلی۔
