Fact Check:وائرل تصویرمیں ویراٹ کوہلی کے ہمراہ نونہال لڑکی انکی بیٹی نہیں بلکہ مداح ہے

انوشکا شرما اور ویراٹ کوہلی کی شادی 2017 میں ہوئی تھی۔ جنوری 2021 میں انکی بیٹی وامیکا کی عمر2 سال ہوگئی۔ تاہم ویراٹ اور انوشکا اپنی بیٹی کی تصویر کو سوشل میڈیا پر شیئر کرنے سے گریز کرتے ہیں، اس لئے انکے مداح، انکی بیٹی کے بارے میں قیاس آرائی سے کام لیتے ہیں۔

اس بیچ، ویراٹ کوہلی کی ایک نونہال لڑکی کے ساتھ ایک تصویر وائرل ہو رہی ہے جس میں دعویٰ کیا جا رہا ہے کہ یہ ان کی بیٹی ہے۔ اوراس کا کیپشن ہے 'وراٹ کوہلی اپنی بیٹی کے ساتھ'

فیکٹ چیک:

وائرل کی جارہی تصویر میں کیا گیا دعویٰ جھوٹا ہے۔ اس تصویر میں بھارتی کرکٹر وراٹ کوہلی اپنی بیٹی وامیکا نہیں بلکہ ایک چھوٹی سی اپنی مداح کے ساتھ نظر آرہے ہیں۔

اس معاملے کی تحقیق کے سلسلے میں جب ہم نے وراٹ کوہلی کی بیٹی کے بارے میں انٹرنیٹ پر سرچ کیا تو ہمیں مین اسٹریم میڈیا کی خبروں میں انکی بیٹی کی کوئی حالیہ تصویر نہیں ملی۔

پھر ہم نے وائرل تصویر کو گوگل پر ریورس امیج سرچ کیا تو ہم نے پایا کہ یہ تصویر اگست 2023 میں مختلف سوشل میڈیا اکاؤنٹس پر پوسٹ کی گئی تھی۔ ایک نیوز اور میڈیا ویب سائٹ Inside Sport نے اپنے فیس بک ہینڈل پر 24 اگست 2023 کو اس تصویر کو شیئر کیا تھا، جس کے کیپشن میں لکھا تھا : ویراٹ کوہلی اپنی ایک پیاری سی ننھی مداح کے ساتھ ۔

ایک X(ٹویٹر) صارف نے اس کیپشن 'ویراٹ کوہلی اپنی ایک پیاری سی ننھی مداح کے ساتھ' میں کیا خوبصورت تصویر ہے! اضافی الفاظ کے ساتھ اس تصویر کو شیئر کیا ہے۔

پھر ہم نے ویراٹ کوہلی اور انوشکا شرما کی بیٹی کی تصاویر تلاش کیں تو ہمیں The Statesman کا ایک مضمون ملا جس میں شامل تصویر میں ماں اور بیٹی دونوں کرکٹ میچ کے دوران ویراٹ کوہلی کی حوصلہ افزائی کرتے ہوئے ہے۔

اس سے واضح ہوتا ہیکہ وائرل تصویر میں ویراٹ کوہلی اپنی بیٹی نہیں بلکہ ایک ننھی سی مداح کے ساتھ نظر آرہے ہیں۔ یہ دعویٰ فرضِی ثابت ہوا۔