Fact Check: بی آر ایس پارٹی لیڈر کا ووٹروں میں رقم بانٹنے کا وائرل ویڈیو حالیہ واقعہ نہیں

تلنگانہ میں عنقریب اسمبلی انتخابات ہونے جارہے ہیں اور تمام سیاسی جماعتوں کے قائدین انتخابی مہم میں سرگرمی سے حصہ لے رہے ہیں۔ ریاست کی تمام بڑی پارٹیوں کے سرکردہ رہنما تمام حلقوں کا دورہ کر رہے ہیں اور مختلف مقامات پر عوامی ریلیوں سے خطاب کر رہے ہیں۔ بی آر ایس پارٹی کے کارگزار صدر کے ٹی راما راؤ ہر روز روڈ شوز کر رہے ہیں، پی سی سی صدر ریونت ریڈی بھی عوامی جلسوں سے خطاب کر رہے ہیں، اور بی جے پی کے ریاستی صدر جی کشن ریڈی بھی کئی علاقوں میں انتخابی مہم چلا رہے ہیں۔

اس بیچ، ایک ویڈیو وائرل ہو رہا ہے جس میں بی آر ایس پارٹی کے اراکین کو سڑک کے دونوں جانب کھڑے ہوکر قطار میں لگی عوام میں رقم بانٹتے ہوئے دکھایا گیا ہے۔ ایک انسٹاگرام صارف نے بی آر ایس پارٹی میٹنگ کے بعد لوگوں میں 300 روپئے تقسیم کرنے کا دعویٰ کرتے ہوئے ویڈیو شیئر کیا۔ BRS పార్టీ మీటింగ్ తర్వాత ₹300 రూపాయల పంపిణీ..!! #ByeByeKCR

ایک اور صارف نے اسی ویڈیو کو شیئر کرتے ہوئے لکھا کہ 'بنگارو تلنگانہ کوسم ڈبولو پنچیتے تپ پینٹی' ۔ جب اس کا ترجمہ کیا گیا تو اس میں دعویٰ کیا گیا ہے کہ 'گولڈن تلنگانہ بنانے کے لیے رقم تقسیم کرنے میں کیا حرج ہے'۔

یہ ویڈیو ایکس پلیٹ فارم پر اس کیپشن کے ساتھ شیئر کیا گیا ہے۔

“డబ్బులు చేతిలో పెడితే తప్ప తెలంగాణ ముఖ్యమంత్రి కేసీఆర్ సభకు జనం రారు మరి! #KCR #TSPolls #UANow”.

اس میں دعویٰ کیا گیا ہے: 'لوگ تلنگانہ کے چیف منسٹر کے سی آر کی میٹنگ میں اس وقت تک نہیں آئیں گے جب تک انہیں اسکی قیمت ادائیگی نہیں کی جاتی!۔

یہ دعویٰ گمراہ کن ہے۔ یہ ویڈیو پرانا ہے اور جنوری 2020 سے انٹرنیٹ پر موجود ہے۔

جب ہم نے ویڈیو سے نکالے گئے کلیدی فریمز کی مدد سے گوگل ریورس امیج سرچ کیا تو ہمیں اکتوبر 2020 میں فیس بک پر شیئر کیا گیا ایک ویڈیو ملا۔