ఇందిరా గాంధీ జూలో వరుస విషాదాలు

జూలో మొత్తం మూడు పులులు ఉండేవని.. రెండు మరణించాయని జూ క్యూరేటర్ తెలిపారు. పులి సాధారణ జీవితకాలం 12-15 సంవత్సరాలని.. ఈ క్రమంలోనే వయోభారం, అనారోగ్యంతో కుమారి మృతి చెందిందని జూ అధికారులు వెల్లడించారు. వరుస జంతు మరణాలపై జూ అధికారులు సైతం విచారం వ్యక్తం చేస్తున్నారు. ఈ రెండు పులులు చాలా ఏళ్లుగా జూలో ఉన్నాయి. విశాఖ జూ పార్కులో సుమారు 16 ఏళ్లుగా సందర్శకులను అలరిస్తున్నాయి. అలాంటి రెండు పెద్దపులులు రెండు రోజుల వ్యవధిలోనే చనిపోవడంతో జూ సిబ్బంది మాత్రమే కాకుండా జంతు ప్రేమికులు విషాదాన్ని వ్యక్తం చేస్తున్నారు. గత నెలలో జిరాఫీ, పెద్దపులి మరణించాయి.