మాస్టర్ కార్డు బ్రాండ్ అంబాసిడర్లుగా భారత స్టార్స్
మాస్టర్ కార్డు బ్రాండ్ అంబాసిడర్ MS ధోని భారత్ లో కీలక పాత్ర పోషించారు. ఇప్పుడు బ్యాడ్మింటన్ స్టార్లు కూడా
భారతదేశంలో మాస్టర్ కార్డ్ బ్రాండ్ అంబాసిడర్లుగా బ్యాడ్మింటన్ క్రీడాకారులు లక్ష్యసేన్, కిదాంబి శ్రీకాంత్, సాత్విక్‌సాయిరాజ్ రంకిరెడ్డి మరియు చిరాగ్ శెట్టిలు బాధ్యతలు తీసుకున్నారు. థామస్ కప్ 2022, బర్మింగ్‌హామ్ 2022 కామన్వెల్త్ గేమ్స్ విజేతలుగా నిలిచిన వీరిని మాస్టర్ కార్డ్ బ్రాండ్ అంబాసిడర్లుగా నియమించుకుంది. ఈ కొత్త అంబాసిడర్‌లతో భారతదేశంలో డిజిటల్ చెల్లింపుల భద్రత, సౌలభ్యం గురించి అవగాహన కల్పించడానికి కంపెనీతో భాగస్వామ్యం అయ్యారు. రిజర్వ్ బ్యాంక్ ఆఫ్ ఇండియా (RBI), డిజిటల్ ఇండియాలకు అనుగుణంగా తాము ముందుకు వెళుతున్నట్లు కంపెనీ తెలిపింది. ఈ సంవత్సరం ప్రారంభంలో, కంపెనీ తన ప్రముఖ గోల్ఫ్ క్రీడాకారుల ప్యానెల్‌ను మెరుగుపరచడానికి శివ్ కపూర్‌ను కూడా తీసుకుంది. బ్రాండ్ అంబాసిడర్‌గా అనిర్బన్ లాహిరి కూడా ఉన్నారు. ప్రపంచవ్యాప్తంగా.. టెన్నిస్ నుండి క్రికెట్ వరకు సాకర్ నుండి ఇ-స్పోర్ట్స్ వరకు క్రీడలలో పెట్టుబడి పెట్టామని.. బ్యాడ్మింటన్ ఇప్పుడు జాబితాలోకి చేర్చబడిందని కంపెనీ తెలిపింది.
