World Cup 2023 : ఎనిమిదో గెలుపు కూడా మనదే... సూపర్ సండే.. ఫుల్లు కిక్కు

ఇండియా - సౌతాఫ్రికా మధ్య వరల్డ్ కప్ లో మ్యాచ్ వన్ సైడ్ గా జరిగింది. 243 పరుగుల తేడాతో భారత్ విజయం సాధించింది. అసలు వరల్డ్ కప్ లో మ్యాచ్ చూస్తున్నామా? అని అనిపించింది. టీం ఇండియాలో ఇంత సత్తా ఉందా? అని యావత్ ప్రపంచం మొత్తం నివ్వెర పోయింది. ఈ వరల్డ్ కప్ లో పాయింట్ల పట్టికలో రెండో స్థానంలో నిలిచిన సౌతాఫ్రికాను చిత్తు చిత్తుగా ఓడించింది. చిత్తు చిత్తుగా అంటే అలాంటి.. ఇలాంటి గెలుపు కాదు. సౌతాఫ్రికా కూడా ఇంతటి దారుణ ఓటమిని చవిచూస్తామని డ్రెస్సింగ్ రూంలో కూడా అనుకోని ఉండదు. స్టేడియం మొత్తం సెకను కూడా కుదురుగా కూర్చోలేదు. కేవలం బ్యాటింగ్ మాత్రమే కాదు మనోళ్లు బౌలింగ్ లోనూ అదిరిపోయే పెర్‌ఫార్మెన్స్ చూపారు. కనీవినీ రీతిలో టీం ఇండియాకు ఈడెన్ గార్డెన్ కాదు.. కాదు.. యావత్ భారత్ దేశం సలాం చేసింది. అలాంటి అద్భుతమైన క్షణాలను ఈ సూపర్ సండే రోజు మన కంటికి చిక్కింది. విరాట్ కోహ్లికి టీం ఇండియా బర్త్‌డే రోజు స్పెషల్ గిఫ్ట్ ఇచ్చినట్లయింది. జీవితాంతం కోహ్లి మరచిపోలేని విధమైన విక్టరీని ఇండియా ఆటగాళ్లు విరాట్ కు ఇచ్చారు.