చిన్న జట్టు అని తేలిగ్గా తీసుకుంటే అంతే

ఈ మ్యాచ్ కు కూడా శుభమన్ గిల్ అందుబాటులో ఉండరు. రోహిత్ శర్మ, ఇషాన్ కిషన్ లు ఓపెనర్లుగా దిగుతారు. శ్రే‍యస్ అయ్యర్, విరాట్ కొహ్లి, కెఎల్ రాహుల్, హార్థిక్ పాండ్యా, జడేజా వంటి దిగ్గజ బ్యాటర్లు టీం ఇండియాకు అందుబాటులో ఉన్నారు. ఆస్ట్రేలియాతో జరిగిన మ్యాచ్ లో ఓపెనర్లు విఫలం కావడంతో విరాట్ కొహ్లి, కెఎల్ రాహుల్ కలసి జట్టుకు విజయాన్ని అందించారు. అన్ని మ్యాచ్‌లలో అలా జరుగుతుందని భావించలేం. ఈ మ్యాచ్‌లో బ్యాటర్లతో పాటు బౌలర్లు కూడా శ్రమించాల్సి ఉంది.

ఈ నెల14న పాకిస్థాన్ తో మ్యాచ్ ఉంది కాబట్టి ఈ మ్యాచ్ గెలిచి మరింత ఉత్సాహంతో టీం ఇండియా పాక్ పై ఆడాల్సి ఉంది. ఈ పిచ్ స్పిన్నర్లకు అనుకూలమన్న అంచనాల నేపథ్యంలో జడేజా, కులదీప్ యాదవ్ పైనే భారం ఎక్కువగా ఉండనుంది. ఈ మ్యాచ్‌లో అశ్విన్ కూడా ఆడే అవకాశాలున్నాయి. ఇప్పటికే పతకాల పట్టికలో తక్కవ రన్ రేట్ తో ఉన్న భారత్ కు ఇది మంచి అవకాశం. భారీ స్కోరు చేస్తే రన్ రేటు మరింత పెరిగే అవకాశముందని చెబుతున్నారు. తొలుత బ్యాటింగ్ చేస్తే భారత్ భారీ స్కోరును, ఛేదనలో అయితే ఓవర్లు ఎక్కువ మిగిలి ఉండగానే ఫినిష్ చేయడం భారత్ ముందున్న లక్ష్యం. మరి ఏం జరుగుతుందన్నది చూడాల్సి ఉంది.