T20 World Cup 2024 : ముందుంది అసలు ఫెస్టివల్... అంత సులువైన పనేనా?

వన్డే వరల్డ్ కప్ లోనూ అన్ని మ్యాచ్ లలో విజయం సాధించి ఫైనల్స్ లో మనోళ్లు చేతులెత్తేసిన ఘటనను గుర్తు చేసుకుంటున్నారు. అన్నింటా విజయం సాధించి అసలు మ్యాచ్ కు వచ్చే సరికి చేతులెత్తేస్తారేమోనన్న ఆందోళన భారత్ అభిమానుల్లో ఉంది. అందుకే ఈ గుబులు. కెనడాతో మ్యాచ్ గెలిచినా, ఓడినా సూపర్ 8 కి మాత్రం భారత్ వెళుతుంది. అయితే ఇప్పటికే దక్షిణాఫ్రికా, ఆప్ఘనిస్థాన్, ఆస్ట్రేలియా, భారత్ లు సూపర్ 8 కు చేరుకున్నాయి. సూపర్ 8కి చేరిన మూడో జట్టుగా టీం ఇండియా నిలవడంతో అది ఆస్ట్రేలియాతో తలపడాల్సి ఉంది.

ఆస్ట్రేలియాతో పాటు సూపర్ 8లోనూ టీం ఇండియా మరో మూడు జట్లతో ఆడనుంది. అందుకే ఆస్ట్రేలియా మ్యాచ్ లో గెలుపోటములపై ప్రభావం చూపకపోయినా ఇక్కడి నుంచి అసలు ఆట ప్రారంభమవుతుందంటున్నారు. ఇప్పటి వరకూ ఒక ఎత్తు.. ఇకపై మరొక ఎత్తుగా ఆడాలని అభిమానులు కోరుతున్నారు. అయితే ఇకపై జరిగే మ్యాచ్ లన్నీ వెస్టిండీస్ లోనే జరుగుతుండటంతో అక్కడి పిచ్ లు కొంత అలవాటుగా ఉండటంతో టీం ఇండియా బ్యాటర్లు ఫామ్ లోకి వచ్చే అవకాశముందన్న అంచనాలు వినిపిస్తున్నాయి. సూపర్ 8 లో మొత్తం టీం ఇండియా నాలుగు మ్యాచ్ లు ఆడాల్సి ఉండగా అన్ని మ్యాచ్ లు గెలవాలని అభిమానులు కోరుకుంటున్నారు. అయితే అందుకు టీం ఇండియా మాత్రం చాలా వరకూ కష్టపడాల్సిందే. చెమటోడాల్సిందే.