T20 World Cup 2024 : పాకిస్థాన్ కు మూడు గండాలు.. అది దాటితేనే సూపర్ 8కు ఛాన్స్

అంటే మ్యాచ్ జరిగి అమెరికా ఐర్లాండ్ మీద గెలిచినా, వర్షం పడి మ్యాచ్ ఆగిపోయినా పాకిస్థాన్ కు గండమే. అందుకే ఈరోజు రాత్రికి బాబర్ సేన భవితవ్యం తేలనుంది. జూన్ 16వ తేదీన తన ఎ గ్రూపులో చివరి మ్యాచ్ ను ఐర్లాండ్ తో ఆడాల్సి ఉంది. ఇప్పటికి పాకిస్థాన్ రెండు మ్యాచ్ లలో ఓడి ఒక మ్యాచ్ లో అది కెనడాతో గెలిచింది. అంటే రెండు పాయింట్లతో ఉంది. చివరి మ్యాచ్ గెలిచినా నాలుగు పాయింట్లకే పరిమితమవుతుంది. అమెరికా సూపర్ 8కు చేరుకుంటుంది. అంతే తప్ప పాకిస్థాన్ ఇక సూపర్ 8 కు చేరే ఛాన్స్ లేదు.

పాకిస్థాన్ ఇప్పుడు మూడు రకాల కోరికలతో ప్రార్థన చేయాల్సి ఉంది. ఒకటి .. ఈరోజు వర్షం పడకుండా మ్యాచ్ కొనసాగాలని కోరుకోవడం. మరొకటి ఈ మ్యాచ్ లో అమెరికా ఐర్లాండ్ చేతిలో ఓటమి పాలు కావడం, మూడోది అలాగే ఆరోజు వర్షం పడకూడదని.. ఇలా.. ఈ నాలుగు కోర్కెలు తీరితేనే పాకిస్థాన్ సూపర్ 8కు అర్హత సాధిస్తుంది. మూడింటిలో ఏ ఒక్కటీ జరగకపోయినా పాకిస్థాన్ ఇంటి దారి పట్టాల్సిందే. ఈరోజు అమెరికా - ఐర్లాండ్ మ్యాచ్ లో అమెరికా గెలిస్తే ఈరోజు పాక్ భవతవ్యం తేలిపోతుంది. ఫ్లోరిడాలో వర్షం కురుస్తుందని వాతావరణ శాఖ చెప్పడంతో పాక్ జట్టు గుప్పిట భయంతో బిక్కుబిక్కుమంటూ గడుపుతుంది. మరి రాత్రి పది గంటలకు కానీ పాక్ భవితవ్యం తేలనుంది.