World Cup 2023 : ఒకవైపు విరాట్ బర్త్‌డే.. మరొకవైపు మ్యాచ్ .. ఫ్యాన్స్‌కు డబుల్ ధమాకా

35వ రోజవ పుట్టిన రోజు వేడుకను ఘనంగా నిర్వహించాలని క్రికెట్ అసోసియేషన్ భారీ కేక్ ను కూడా సిద్ధం చేసింది. ఈ కేక్ ను అభిమానుల సమక్షంలోనే విరాట్ కట్ చేయనున్నాడు. మామూలుగానే విరాట్ కు అభిమానుల సంఖ్య ఎక్కువ. స్టేడియం మొత్తం ఆ పేరుతో మారుమోగిపోతుంటుంది. పైగా ఈరోజు మ్యాచ్ తో పాటు బర్త్‌డే కూడా జరుగుతుండటంతో ఇక వేరే చెప్పాల్సిన పనిలేదు. స్టేడియం విరాట్ కోహ్లి పేరుతో మోతెక్కిపోనుంది. అయితే ఈ మ్యాచ్ కు విరాట్ సన్నిహితులతో పాటు ఆయన కుటుంబ సభ్యులు కూడా హాజరవుతారని క్రికెట్ వర్గాలు వెల్లడించాయి.

అయితే తన 35వ పుట్టిన రోజు విరాట్ కోహ్లి సెంచరీ చేయాలని అభిమానులు కోరుకుంటున్నారు. ఈ మ్యాచ్ లో సెంచరీ చేస్తే 49వ శతకం చేసినట్లవుతుంది. అందుకే విరాట్ అభిమానులు ఎవరైనా సరే ఈరోజు సెంచరీ చేయాలనే కోరుకుంటారు. సౌతాఫ్రికాతో జరిగే మ్యాచ్ కావడంతో మరింత కిక్కు ఉండనుంది. అందుకే ఈరోజు క్రికెట్ ఫ్యాన్స్ కు డబుల్ ధమాకా. ఒకవైపు మ్యాచ్. మరొక వైపు విరాట్ బర్త్‌డే. సౌతాఫ్రికాపై మ్యాచ్ గెలిచే అవకాశాలున్నాయని ఇప్పటికే అభిమానులు చెబుతున్నారు. సోషల్ మీడియాలోని అన్ని హ్యాండిల్స్ లోనూ విరాట్ బర్త్‌డే విషెస్ తో హోరెత్తిపోతుంది. విరాట్ హ్యాపీ బర్త్‌డే... ఈరోజు ఆల్ ది బెస్ట్ కూడా.