BiggBoss 6 Day 51 : కెప్టెన్సీ కంటెండర్ కోసం కొట్టుకున్న హౌస్ మేట్స్..దద్దరిల్లిన హౌస్

చేపలు పట్టుకోవడం, వాటిని దాచుకోవడం చాలా పెద్ద టాస్క్ గా మారింది. చేపలు పట్టే విషయంలో ఒకర్నొకరు తోసుకొని, ఒకరి మీద ఒకరు పడి, ఒకరి చేపలు ఇంకొకరు లాక్కొని బిగ్‌బాస్ హౌస్ లో విధ్వంసం సృష్టించారు కంటెస్టెంట్స్. ఈ క్రమంలో అందరి మధ్య గొడవలు అయ్యాయి. ఒకర్నొకరు తమ చేపలు లాక్కోవడానికి ఇంకొకరిని తోసేశారు కూడా. ఈ నేపథ్యంలో కొంతమందికి గాయాలు కూడా అయ్యాయి. ఇనయా, రేవంత్ జంట రెచ్చిపోయి మరీ ఆడింది. రెండు లెవల్స్ లోనూ వాళ్లే విన్నర్ అయ్యారు.

టాస్క్ మొదటిలో గీతూ కావాలనే హౌస్ మేట్స్ ను రెచ్చగొట్టే విధంగా మాట్లాడింది. మెరీనా, రోహిత్ తో గొడవ పెట్టుకుంది. అయితే గీతూ ఓడిపోవడంతో ఏడ్చేసింది. మరో లెవెల్ లో ఒక నలుగురిని తోపుడు బండి మీద కూర్చోపెట్టి ఇద్దరిద్దరు జంటల్ని ఆ బండిని తోయమని, ఎవరి వైపు ముందు వెళ్తే వాళ్ళు ఓడిపోయినట్టు చెప్పాడు బిగ్‌బాస్. ఈ టాస్క్ లో కూడా మాటల యుద్ధమే జరిగింది. ఇక్కడ కూడా ఇనయా, రేవంత్ రెచ్చిపోయారు. ఇనయ సూర్యని టార్గెట్ చేసి ఆడుతోంది. అతడిని ఖచ్చితంగా ఓడిస్తానని రేవంత్ తో చెప్తుంది. మరి ఈ రోజు జరిగే టాస్క్ లో ఎవరెవరు కంటెండర్స్ అవుతారు ఎవరు కెప్టెన్ అవుతారు చూడాలి.