రహదారిపై విరిగిపడిన మంచు చరియలు

సిక్కింలో గ్యాంగ్‌టక్ నుంచి నాథులా వెళ్లే హైవేపై మంచు కొండచరియలు విరిగిపడ్డాయి. ఈ ఘటనలో మృతుల సంఖ్య ఏడుకు చేరింది. మృతుల సంఖ్య మరింత పెరిగే అవకాశం ఉందని అధికారులు చెబుతున్నారు. అనేక మంది గాయపడ్డారు. మంచుకొండలు రహదారిపై పడటంతో వాహనాల రాకపోకలకు అంతరాయం ఏర్పడింది. దీంతో సహాయక బృందాలు రంగంలోకి దిగి మంచును తొలగించే ప్రయత్నం చేస్తున్నాయి.