మహారాష్ట్రలో ఘోర రోడ్డు ప్రమాదం: 10 మంది మృతి
మహారాష్ట్రలో ఘోర రోడ్డు ప్రమాదం జరిగింది. ఈ ప్రమాదంలో పది మంది మరణించారు
మహారాష్ట్రలో ఘోర రోడ్డు ప్రమాదం జరిగింది. ఈ ప్రమాదంలో పది మంది మరణించారు. నాసిక్ - షిర్డీ హైవేలో ఈ ప్రమాదం చోటు చేసుకుంది. ట్రక్కును టూరిస్ట్ బస్సు ఢీకొట్టిన ఘటనలో పది మంది మరణించారు. అనేక మంది గాయపడినట్లు సమాచారం. గాయపడిన వారిని సమీపంలోని ఆసుపత్రికి తరలించి చికిత్స అందిస్తున్నారు.
అతి వేగం కారణంగానే....
అతి వేగం, దట్టమైన మంచు కారణంగానే ఈ ప్రమాదం జరిగినట్లు పోలీసులు భావిస్తున్నారు. మృతదేహాలను పోస్టు మార్టం నిమిత్తం సమీపంలోని ఆసుపత్రికి తరలించారు. గాయపడిన వారి మరికొందరి పరిస్థితి విషమంగా ఉందని తెలుస్తోంది. పూర్తి సమాచారం తెలియాల్సి ఉంది. పోలీసులు కేసు నమోదు చేసి దర్యాప్తు చేస్తున్నారు.