గత కొద్ది కాలంగా ప్రజలతో పాటు పరిశ్రమ వర్గాల్లోనూ ఆసక్తిని రేకెత్తిస్తున్న మోస్ట్ అవైటెడ్ ప్రాజెక్ట్ నట సింహం నందమూరి బాల కృష్ణ 100 వ చిత్రం గౌతమీ పుత్ర శాతకర్ణి. ముందు నుంచి చెప్తున్న ప్రకారమే ఈ చిత్రాన్ని 2017 సంక్రాంతికి విడుదల చేయనున్నారు. అయితే ఈ చిత్రం ట్రైలర్ ఈ నెల 9 న విడుదల కావాల్సి ఉన్నప్పటికీ కొన్ని అనివార్య కారణాల వలన 16 కు వాయిదా పడింది. ముందు నుంచి ఈ చిత్రానికి సంబంధించిన ప్రతి కార్యక్రమాన్ని బాలయ్య ముహూర్తం చూసి ఘడియ తప్పకుండా శుభ ముహుర్తానికే నిర్వర్తిస్తూ వచ్చారు. ఇప్పుడు ట్రైలర్ విడుదలకు కూడా ఆయన స్వయంగా ముహూర్తం పెట్టించారు.
డిసెంబర్ 16 న సాయంత్రం ఐదు గంటలకు గౌతమి పుత్ర శాతకర్ణి చిత్ర ట్రైలర్ ను కరీం నగర్ లో విడుదల చేయనున్నారు. ఇదే సమయానికి తెలుగు రాష్ట్రాలలోని 100 థియేటర్లలో లైవ్ స్క్రీనింగ్ ద్వారా ట్రైలర్ ప్రదర్శించనున్నారు. అదే రోజు ఉదయానికి బాలయ్య కరీం నగర్ చేరుకోనున్నారు. అక్కడికి దగ్గరలోని కోటి లింగాల ఆలయంలో చిత్ర బృందంతో కలిసి ప్రత్యేక పూజలు జరిపిన అనంతరం ట్రైలర్ ఆవిష్కరణ వేడుకలో పాల్గొననున్నారని సమాచారం.
సృజనాత్మక దర్శకుడు స్వీయ నిర్మాణంలో ప్రతిష్టాత్మకంగా తెరకెక్కిస్తున్న గౌతమీ పుత్ర శాతకర్ణి చిత్రంలో విజువల్ ఎఫెక్ట్స్ కి పెద్ద పీట వేయనున్నారు. ఈ చిత్రాన్ని ప్రేక్షకులకు విజువల్ ట్రీట్ గా అందించాలని రాజి లేని విజువల్ ఎఫెక్ట్స్ బడ్జెట్ నిమిత్తం భారమైనప్పటికీ లెక్క చేయకుండా తీర్చిదిద్దుతున్నారు.