కింగ్ నాగార్జున కెరీర్ లో చెప్పుకోదగ్గ సినిమాల్లో 'మన్మథుడు' ఒకటి. నాగార్జున కి జోడిగా సోనాలి బింద్రే నటించిన ఈసినిమాకు మాటలు త్రివిక్రమ్ రాశారు. దర్శకత్వం విజయ్ భాస్కర్ చేశారు. 2002 లో వచ్చిన ఈసినిమా అప్పటిలో సూపర్ హిట్ గా నిలిచిన సంగతి తెలిసిందే. ఇప్పటికి ఈసినిమాకి టీవీల్లో మంచి టీఆర్పీ రేటింగ్స్ వస్తుండటం విశేషం.
అయితే తాజా సమాచారం ప్రకారం ఈసినిమాకి సీక్వెల్ చేయనున్నారట. కానీ విజయ్ భాస్కర్ దర్శకత్వంలో కాదు..త్రివిక్రమ్ దర్శకత్వంలో కూడా కాదు. హీరో కమ్ డైరెక్టర్ రాహుల్ రవీంద్రన్ ఈసినిమాను రూపొందించనున్నాడు. రీసెంట్ గా నాగార్జున కి కథ వినిపిస్తే ఓకే చేసాడట.
త్వరలోనే సెట్స్ మీదకు వెళ్లనున్న ఈసినిమాకు 'మన్మథుడు 2' అనే టైటిల్ పెడుతున్నట్టు సమాచారం. ఇంకా హీరోయిన్స్ ఎవరు? ఇతర నటీనటులు ఎవరు అన్నది మాత్రం క్లారిటీ లేదు. త్వరలోనే పూర్తి వివరాలు తెలియనున్నాయి. మరి ఈసినిమా ఎంతవరకు ఆకట్టుకుంటదో చూడాలి