రాశి వదిలేసింది.. అనసూయకి అదృష్టం పట్టింది

హీరోయిన్ గా అవకాశాలు తగ్గాక.. ఐటెం సాంగ్స్ లోను ఆడిపాడిన అందాల బొద్దుగుమ్మ రాశి పెళ్లి చేసికుని సెటిల్ అయ్యి.. పాప పుట్టాక మళ్ళీ సినిమాల్లోకి రీ ఎంట్రీ ఇచ్చి వచ్చిన అవకాశాన్ని సద్వినియోగం చేసుకుంటుంది. కల్యాణ వైభోగమే సినిమాలో హీరోయిన్ అమ్మగా చేసిన రాశి ఓ మంచి అవకాశం మిస్ చేసుకుందట. అది కూడా ఓ ఎపిక్ బ్లాక్ బస్టర్ మూవీ ని రాశి చేతులారా జారవిడుచుకుంది. సుకుమార్ దర్శకత్వంలో రామ్ చరణ్, సమంత, అనసూయ లు నటించిన రంగస్థలం సినిమాలో రంగమ్మత్త పాత్ర ముందుగా రాశి తలుపు తట్టిందట.

సుకుమార్ ముందుగా రంగమ్మత్త పాత్రకి రాశి నే సంప్రదించాడట. కానీ రాశి ఆ పాత్ర తనకి సూట్ కాదని వదులుకుందట. రంగమ్మత్త గా అనసూయ చీర పైకి కట్టుకుని.. చాలా మాస్ గా కనిపించింది. అయితే రాశి కాస్త బొద్దుగా ఉండడం, అలాంటి సారీ కట్టు తనకి నప్పదని ఆ కేరెక్టర్ ని వదులుకున్నట్లుగా రీసెంట్ గా జరిగిన ఓ ప్రోగ్రాం లో చెప్పింది. మరి రాశి వదులుకున్న ఆ పాత్ర తో అనసూయ ఒక్కసారిగా తెగ ఫెమస్ అవడమే కాదు.. వరస సినిమా అవకాశాలతో ఉక్కిరిబిక్కిరవుతోంది.