చిన్నారి పెళ్లి కూతురు భయపెట్టేస్తుంది

చిన్నారి పెళ్లి కూతురు సీరియల్ ద్వారా తెలుగు ప్రేక్షకులకి పరిచయం అయినా క్యూట్ అవికా గౌర్ ఆ తరువాత రాజ్ తరుణ్ తో ఉయ్యాల జంపాల చిత్రంతో హీరోయిన్ గా కెరీర్ మొదలుపెట్టింది. ఆ వెంటనే మళ్లీ రాజ్ తరుణ్ సినిమా చూపిస్తా మామ, తరువాత ఎక్కడికి పోతావు చిన్నవాడా చిత్రాల్లో నటించి మంచి పేరు తెచ్చుకోవడమే కాదు ఆ సినిమాలతో మంచి సక్సెస్ అందుకుంది.

కానీ ఏమైందో ఏంటో కానీ ఈ సినిమాలు తరువాత కొంచం గ్యాప్ తీసుకుంది. ఆమధ్య ఈమె ఇంకా సినిమాల్లో నటించదు అని వార్తలు కూడా వచ్చాయి. కానీ డైరెక్టర్ ఓంకార్ తెరకెక్కిస్తున్న రాజుగారి గది సిరీస్ లో మూడవ చిత్రంగా రాజుగారి గది 3 లో ఆమె లీడ్ రోల్ చేస్తుంది. దీని ఫస్ట్ లుక్ ఈరోజు వినాయక చవితి సందర్భంగా రిలీజ్ చేసారు.

రిలీజ్ అయినా పోస్టర్ లో అవికా లుక్ భయపెట్టేదిలా ఉంది. ఇక హీరో గా ఓంకార్ తమ్ముడు అశ్విన్ బాబు నటిస్తున్నాడు. ఇప్పటివరకు క్యూట్ లవ్లీ గర్ల్ పాత్రలు చేస్తున్న అవికా ఈ సారి ప్రేక్షకులను భయపెట్టనుంది