నందమూరి బాలకృష్ణ - వివి వినాయక్ కాంబినేషన్ లో ఓ సినిమా తెరకెక్కుతున్న సంగతి తెలిసిందే. ఈ సినిమాను ప్రముఖ నిర్మాత సి.కళ్యాణ్ నిర్మించనున్నారు. అయితే ఇప్పటివరకు ఈ సినిమా కథ ఇంకా ఫైనలైజ్ అవ్వలేదని టాక్. డైరెక్టర్ వినాయక్ బాలయ్యకు దాదాపు పది కథలు చెప్పాడంట. అయితే అందులో బాలయ్యకు ఏమి నచ్చకపోవడంతో వాటిని బాలయ్య రిజెక్ట్ చేసినట్టు వినిపిస్తోంది.
లైన్ లో ముందున్న బయోపిక్
వాస్తవానికి ఎన్టీఆర్ బయోపిక్ లేట్ అవ్వుతుందనే ఉదేశంతో బాలయ్య.. వినాయక్ తో సినిమా చేయాలనుకున్నాడు. వినాయక్ కూడా కథలను వినిపించాడు కానీ .. అవేవి బాలయ్యకు నచ్చకపోవడంతో వినాయక్ కు ఇంకా గ్రీన్ సిగ్నల్ రాలేదు. అయితే మరోవైపు సడన్ గా బయోపిక్ తెరమీదకు వచ్చింది. ఈ సినిమా షూటింగ్ వచ్చే నెల 5 నుండి స్టార్ట్ కానుంది.
కన్నడ రీమేక్..
ఈ నేపథ్యంలో ఇక వినాయక్ తో బాలయ్య సినిమా చేసే అవకాశాలు మాత్రం కనిపించడం లేదు. మరోపక్క వినాయక్.. బాలయ్యతో 'తాగరు' అనే కన్నడ మూవీని తెలుగులో రీమేక్ చేద్దాం అనుకుంటున్నట్టు సమాచారం. అయితే బాలయ్య దీనికి గ్రీన్ సిగ్నల్ ఇస్తాడో లేదో చూడాలి. ఎన్టీఆర్ బయోపిక్ తరువాత అయినా వినాయక్ తో సినిమా ఉంటుందేమో చూద్దాం .