వాళ్ళ స్ట్రాటజీ ముందు మనమెంత

బిగ్ బాస్ సీజన్ 3 చూస్తుంటే.. ప్రస్తుతానికి పిచ్చ బోరింగ్ గా అనిపిస్తుంది. ఎలాంటి క్యూరియాసిటీని షో మీద హౌస్ మేట్స్ కలిగించలేకపోతున్నారు. ఎవ్వరూ ఓపెన్ కాకుండా గేమ్ ని గేమ్ లా ఆడుతున్నారు తప్ప మాస్క్ తీయడం లేదు. నిన్నటి వరకు హౌస్ లో తెగ యాటిట్యూడ్ చూపించి ఎలిమినేట్ అయిన పునర్నవి ప్రస్తుతం బయట పలు ఛానల్స్ కి ఇంటర్వ్యూ ఇవ్వడమే కాదు ఎలిమినేషన్ లో ఉన్న తన ఫ్రెండ్స్ అయిన రాహుల్, వరుణ్ ని గెలిపించాలని పరోక్షంగా మహేష్ ని బయటికి పంపాలంటూ వీడియో బైట్స్ వదులుతుంది.

స్ట్రాటజీ గేమ్ …..

ఇపుడు ఎలిమినేషన్స్ కు రాకుండా తప్పించుకుంటున్న శివ జ్యోతి, చాలా స్ట్రాటజీ తో గేమ్ ఆడుతూ ప్రతి వారం ఎలిమినేషన్స్ నుంచి తప్పించుకుంటున్న శ్రీ ముఖి ఇప్పటివరకు జరిగిన బిగ్ బాస్ సీజన్స్ తో పాటుగా పలు భాషల్లో ప్రసారం అవుతున్న బిగ్ బాస్ షోలను చూసి బాగా ప్రిపేర్ అయ్యి స్ట్రాటజీతో గేమ్ ఆడుతున్నారని కానీ
తాను ఒక్క ఎపిసోడ్ కూడా చూడకుండా బిగ్ బాస్ కి వచ్చానని అందుకే వాళ్ళు బిగ్ బాస్ గేమ్ లో మెళుకువలు చూసి గేమ్ ఆడుతున్నారని, వాళ్ళ గేమ్ స్ట్రాటజీ మనకి రాదంటూ చెబుతుంది ఈ పాప.