సోహెల్ కి ఆ దమ్ముందా?

బిగ్ బాస్ గ్రాండ్ టైటిల్ ని గెలవకపోయినా, ప్రేక్షక హృదయాలనే కాదు.. సెలబ్రిటీస్ మనసులను గెలుచుకున్నాడు సోహెల్. తాను బిగ్ బాస్ విన్నర్ కానని తెలిసిన సోహైల్ 25 లక్షలు తీసేసుకుని మూడో స్థానంలో నిలబడ్డాడు. ఆ విషయంలో నాగ్ ఫిదా అయ్యి సోహైల్ ని ఎత్తేసుకున్నాడు. ఇక చిరు అయితే సోహైల్ ని తెగ పొగిడేసాడు. అసలు విన్నర్ కన్నా సోహైల్ హైప్ ఎక్కువగా కనబడింది ఆ స్టేజ్ మీద. విన్నర్ కాకపోయినా.. సోహైల్ ని విన్నర్ ని చేసింది బిగ్ బాస్ టీం. అలాగే చిరు, నాగ్ లు సోహైల్ ని అలా హైప్ చెయ్యడంతో సోహైల్ కూడా గాల్లో తేలిపోతున్నాడు. చిరు అయితే నీ సినిమాకి సపోర్ట్ చెయ్యడమేకాదు..ఏకంగా ఓ గెస్ట్ రోల్ కూడా చేస్తా అంటూ మాటిచ్చేసాడు.

చిరు ఆలా సోహెల్ కి మాటివ్వడం, నాగార్జున అనాధాశ్రమానికి డబ్బు ఇవ్వడమే కాదు.. హాస్య బ్రహ్మ బ్రహ్మానందం కూడా సోహైల్ బిగ్ బాస్ గేమ్ కి ముగ్దుడై నీ సినిమాలో నాకో వేషం ఇవ్వు ఫ్రీగా చేస్తా అంటూ సోహెల్ కి ఫోన్ చేసాడట. మరి హాస్య బ్రహ్మ బ్రహ్మ ఫోన్ చెయ్యడం అంటే సోహెల్ రేంజ్ ఎంత ఎత్తుకి పెరిగిందో అనిపిస్తుంది. అయినా ఓ సీరియల్ ఆర్టిస్ట్ గా బిగ్ బాస్ కి పరిచయం అయిన సోహెల్ సినిమా ఎప్పుడు తీయాలి, ఆ సినిమాలో మెగాస్టార్ రేంజ్ పాత్ర ఎప్పుడు సిద్ధం చెయ్యాలి.. అలాగే బ్రహ్మి కి సరిపోయే రోల్ ని ఎలా పెట్టాలి.. ఇంత పెద్ద స్టార్స్ ని సోహెల్ హ్యాండిల్ చేయగలడా..నరాలు తెగే కోపం, అదరగొట్టే డాన్స్ చేసే సోహెల్ లో మెగాస్టార్ ని, హాస్య బ్రహ్మ ని హ్యాండిల్ చేసే కెపాసిటీ ఉందా అనే అనుమానాలు సోషల్ మీడియాలో మొదలైనాయి. మరి సోహెల్ బిగ్ బాస్ ఆట కాదు.. చిరు – బ్రహ్మి లని వాడుకుని గెలువు అంటున్నారు సోహెల్ ఫాన్స్.