సాయి పల్లవి ప్రస్తుతం తెలుగులో శర్వానంద్ తో, తమిళంలో సూర్య, ధనుష్ ల పక్కన హీరోయిన్ గా నటిస్తుంది. సాయి పల్లవి నటించిన పడి పడి లేచే మనసు, మారి 2 చిత్రాలు రెండూ వచ్చే శుక్రవారమే విడుదల కాబోతున్నాయి. పడి పడి లేచే మనసు లో శర్వానంద్ తో జోడి కట్టిన సాయి పల్లవి... ఆ సినిమాలో శర్వాని డామినేట్ చేసే నటనలో అదరగొట్టేస్తుంది. డీగ్లామర్ అయినప్పటికీ సాయి పల్లవి లుక్స్, నటన అన్నీ ఆ సినిమాలో ఆకట్టుకునేలా ఉన్నాయి. ఇకపోతే శర్వానంద్ తో సాయి పల్లవి కలిసి నటించడంపై శర్వానంద్ ఒక ఛానల్ కి ఇచ్చిన ఇంటర్వ్యూలో ఎం చెప్పాడో తెలుసా... హను రాఘవపూడి తన దగ్గరకు ఒక యాక్షన్ కథతో రాగా.. యాక్షన్ వద్దు బాసు.. లవ్ స్టోరీతో సినిమా చేద్దామని చెప్పగా... హను మళ్ళీ లవ్ స్టోరీతో వచ్చి తనని ఇంప్రెస్స్ చేసాడని.. కథ వినగానే ఈ సినిమాలో సాయి పల్లవి అయితే బాగుంటుందనుకున్నామని చెప్పాడు.
నటిస్తుందా... జీవిస్తుందా అన్నంతలా...
అనుకున్నట్టుగానే సాయి పల్లవి ఈ సినిమాలో నటనతో అదరగొట్టిందని.. ఒక్కోసారి సాయి పల్లవి నటన చూసి నాకే ఆశ్చర్యం వేసిందని చెబుతున్నాడు ఈ యంగ్ హీరో. ఒక్కో సీన్లో సాయి పల్లవి ఎంతో ఇన్వాల్వ్ అవుతుందని... ఆ పాత్రలోని సాయి పల్లవి పరకాయ ప్రవేశం చేస్తుందని అన్నారు. అసలు నిజంగా నటిస్తుందా లేదా జీవిస్తుందా అనిపించే నటనతో సాయి పల్లవి అదరగొట్టేస్తుందని చెబుతున్నాడు. ఒక్కోసారి ఆమె నటనకు తాను షాకయ్యేవాడినని ఆమె నటన చూశాక సాయి పల్లవి గత సినిమాల్లో నటనకు ప్రేక్షకులు ఎందుకంత కనెక్ట్ అయ్యారో అనేది అర్ధమయ్యిందని చెబుతున్నాడు. సాయి పల్లవి నటనతో తాను తడబడలేదు.. ఆమెతో పోటీగా నువ్వా నేనా అన్నట్టుగా ఈ సినిమాలో నటించానని అంటూ సాయి పల్లవిని ఆకాశానికెత్తేస్తున్నాడు శర్వానంద్.