తమిళ నటి ఖుష్బూ మహేష్ బాబు నాకు తెలియదు అని అన్నారు. తన అభిమాన నటుడు మహేష్ బాబు గురించి ఖుష్బూ చేసిన కామెంట్స్ పై ఫ్యాన్స్ కొంచం ఇబ్బందిగా ఫీల్ అవుతున్నారు. మహేష్ గురించే కాదు... మరింత మంది స్టార్ల గురించి మనసులోని అభిప్రాయాలను కుండబద్ధలు కొట్టారు. పాలిటిక్స్ పరంగా.. సినిమాలు పరంగా ట్విట్టర్ లో తన ఫ్యాన్స్ అడిగిన ప్రశ్నలకు ఏ మాత్రం మొహమాటం లేకుండా ఆన్సర్స్ ఇచ్చారు ఖుష్బూ.
చిరంజీవి బంగారం లాంటి మనసున్న మనిషని.. పవన్ కళ్యాణ్ తో పని చేస్తే సౌకర్యంగా ఉంటుందని చెప్పారు. అలానే వెంకటేష్ నాకు సెంటిమెంట్ హీరో అని అన్నారు. జూనియర్ ఎన్టీఆర్ తనకు ఇష్టమైన వ్యక్తని అన్నారు. మహేష్ బాబు గురించి అడగా మహేష్ బాబు గురించి నాకు అంతగా తెలియదు అన్నారు. కాకపోతే మంచి మనిషి అని ప్రశంసించారు.
అలానే రాజకీయాలు గురించి మాట్లాడుతూ.. ఈసారి రాహుల్ గాంధీ ప్రధాని కావడం ఖాయమన్నారు. ఈసారి అధికారంలోకి వచ్చేది కాంగ్రెస్ పార్టీయే అని.. బీజేపీ వాళ్లు కలలు కంటున్నారంటూ ఎద్దేవా చేశారు. తన రాజకీయ గురువు కరుణానిధి మాత్రమేనన్నారు. ఇలా ట్విట్టర్ లో తన ఫ్యాన్స్ అడిగిన ప్రశ్నలకు ఏమాత్రం బెదురూ లేకుండా ముక్కుసూటిగా జవాబులు చెప్పారు ఖుష్బూ.