"పుష్ప" రాజ్ కు "చిరు" విషెస్

తాజాగా మెగాస్టార్ చిరంజీవి పుష్ప టీమ్ కు ఆల్ ది బెస్ట్ చెప్తూ ట్వీట్ చేశారు. గుడ్ లక్ 'పుష్ప' టీం… మీరందరూ ఈ చిత్రంలో మీ రక్తం, చెమట, గుండె, ఆత్మను ఉంచారు. మీ ప్రయత్నాలన్నీ విఫలం కాకుండా.. అందరి ప్రశంసలు అందుకోవాలని హృదయపూర్వకంగా కోరుకుంటున్నాను. డియర్ అల్లు అర్జున్, రష్మిక మందన్న, డైరెక్టర్ సుకుమార్, మైత్రి మూవీ మేకర్స్, ఇంకా చిత్రబృందం మొత్తానికి ఆల్ ది బెస్ట్. అంటూ చిరంజీవి ఆ ట్వీట్ లో పేర్కొన్నారు. పుష్ప సినిమా మొదలు నుంచి ఇప్పటి వరకూ ఆ సినిమాపై అస్సలు స్పందించలేదు మెగా హీరోలు. ట్రైలర్ విడుదలైనపుడు కూడా ఎవరూ ఎలాంటి ట్వీట్, పోస్ట్ చేయలేదు. దీంతో పుష్పరాజ్ కు మెగా సపోర్ట్ లేదనుకున్నారు అభిమానులు. ఇప్పుడు చిరంజీవి బన్నీకి, పుష్ప టీమ్ కు ఆల్ ది బెస్ట్ చెప్తూ ట్వీట్ చేయడంతో ఇటు బన్నీ అభిమానులు, అటు మెగా ఫ్యాన్స్ ఫుల్ ఖుషీ అవుతున్నారు.