ఎన్టీఆర్, ఏఎన్నార్ ఒకప్పుడు ఇండస్ట్రీని ఏలిన హీరోలు. వారి మధ్యలో చిన్న చిన్న ప్రోబ్లెంస్ ఉన్నప్పటికీ.... వారి మధ్యన అన్నదమ్ముల అనుబంధం ఉండేదని వారిదగ్గర పనిచేసిన టెక్నీషియన్స్, నటీమణులు చెబుతుంటారు. స్నేహం, అన్నదమ్ముల అనుబంధం ఇలా వారి బంధానికి పేర్లు ఉన్నాయి. ఎన్టీఆర్, ఏఎన్నార్ హీరోలుగా ఇద్దరూ ఇద్దరే. పౌరాణిక చిత్రాల్లో తనకి తిరుగులేదని ఎన్టీఆర్ నిరూపిస్తే.... సాంఘిక చిత్రాల్లో ఏఎన్నార్ అదరగొట్టేశాడు. ఇక అంత గొప్ప స్టార్స్ అయినప్పటికీ.. ఇద్దరూ కలిసి అనేక మల్టీస్టారర్ మూవీస్ లో నటించారు. ఆ సినిమాలు అన్ని దాదాపు సూపర్ హిట్ అయిన సినిమాలే. మరి అంతటి అనుబంధం ఉన్న వీరిద్దరి కలయిక తాజాగా ఎన్టీఆర్ బయో పిక్ లో ఎలా ఉండబోతుంది అనే క్యూరియాసిటీ ప్రతి తెలుగువాడిలో ఉంది. ఇప్పటికే ఎన్టీఆర్ లుక్ లో బాలకృష్ణ, చంద్రబాబు లుక్ లో రానా, ఏఎన్నార్ లుక్ లో సుమంత్ ఇరగ్గొట్టేసారు. మరి వారి మధ్యన అనుబంధాలు ఆప్యాయతలను దర్శకుడు క్రిష్ ఎంతో నైపుణ్యంతో చిత్రీకరిస్తున్నాడు.
నిన్న ఉదయం అక్కినేని పుట్టిన రోజు కానుకగా సుమంత్ అలియాస్ ఏఎన్నార్ లుక్ ని విడుదల చేసిన ఎన్టీఆర్ టీం ఈవెనింగ్ కల్లా ఎన్టీఆర్, ఏఎన్నార్ కాంబో పిక్ రివీల్ చేసింది. ఆ పిక్ లో ఓల్డ్ ఎన్టీఆర్ ఏఎన్నార్ లు కలిసి ఎంతగా కలిసి మెలిసి ఉండేవారో.. ఇప్పుడు రివీల్ చేసిన పిక్ లోను అలానే ఉన్నారు. ఇక పాత పిక్ లో ఏఎన్నార్ ఎన్టీఆర్ కి సిగరెట్ ని కాల్చటానికి సహకరిస్తున్న దృశ్యం పై , క్రిష్ కూడా అదేమాదిరిగా బాలకృష్ణ, సుమంత్ లుక్స్ తో దింపేసాడు. ఎన్టీఆర్ గా బాలకృష్ణ .. అక్కినేనిగా సుమంత్ ఎంతగా కుదిరారనేది ఆ పిక్ చూస్తుంటే అర్ధమవుతుంది. ఇంకా పిక్ లో బాలకృష్ణ అదేనండి ఎన్టీఆర్ పాత్రలో ఉన్న బాలయ్యకి ఏఎన్నార్ లుక్ లో ఉన్న సుమంత్ సిగరెట్ ని వెలిగిస్తున్న ఫోజ్ అదుర్స్ అనిపించేలా ఉంది. ఓల్డ్ ఎన్టీఆర్, ఏఎన్నార్ పిక్.. రీసెంట్ బాలయ్య, సుమంత్ ల పిక్ లు సేమ్ టు సేమ్ గానే ఉన్నాయి. కాకపోతే ఓల్డ్ పిక్ లో ఏఎన్నార్ నోట్లో సిగార్ లేదు.. రీసెంట్ పిక్ లో సుమంత్ నోటిలో సిగార్ ఉంది అదొక్కటే తేడా.
ఇక ఎన్టీఆర్ బయోపిక్ నుండి బయటికొస్తున్న లుక్స్ చూస్తుంటేనే దర్శకుడు క్రిష్ పని తనం తెలుస్తుంది. బాలయ్య ని ఎన్టీఆర్ లా మార్చేసిన క్రిష్.. చంద్రబాబులా.. రానాని మార్చేశాడు. ఇక సుమంత్ ని అచ్చం తాత అక్కినేని మాదిరిగా మార్చాడు. ఇక తాజాగా వచ్చిన ఎన్టీఆర్, ఏఎన్నార్ పిక్స్ ని ఓల్డ్ ఏఎన్నార్, ఎన్టీఆర్ పిక్స్ ని పక్కన పెట్టేసి సోషల్ మీడియాలో కామెంట్స్, లైక్స్, ఇలా ఎన్టీఆర్ అభిమానులు, ఏఎన్నార్ అభిమానులు హోరెత్తిచ్చేస్తున్నారు. ఇక ఎన్టీఆర్ బయో పిక్ నుండి ఇప్పుడు రివీల్ చేస్తున్న పాత్రలకే తెలుగు ప్రేక్షకులు ఇంత ముగ్దులైపోతుంటే.. బసవతారకం లుక్ గాని, శ్రీదేవి, సావిత్రి లుక్స్ బయటికొస్తే ఇంకెలాంటి సన్సేషన్స్ పుడతాయో తెలుస్తుంది.