లై సినిమా ఫ్లాప్ తర్వాత హను రాఘవపూడి కొత్తగా ప్రేమ కథ చిత్రాన్ని శర్వానంద్ - సాయి పల్లవి జంటగా పడి పడి లేచే మనసు అంటూ తెరకెక్కించి రేపు 21నే పేక్షకుల ముందుకు రాబోతున్నాడు. క్యూట్ లవ్ స్టోరీగా తెరకెక్కిన ఈ సినిమాపై భారీ అంచనాలే ఉన్నాయి. ఇక విడుదలకు మరొక్క వారం టైం ఉండడంతో ప్రమోషన్స్ తో జోరు పెంచిన చిత్ర బృందం తాజాగా పడి పడి లేచే మనసు ట్రైలర్ ని విడుదల చేస్తుంది. రొమాంటిక్ అండ్ ఎమోషనల్ గా ఉన్న ఈ ట్రైలర్ ఆద్యంతం ఆకట్టుకుంది. శర్వా పర్ఫార్మెన్స్, సాయి పల్లవి లుక్స్, పర్ఫార్మెన్స్ అన్నీ అదుర్స్ అనిపిస్తున్నాయి.
ట్రైలర్ మాత్రం అదుర్స్...
ఇక ట్రైలర్ లోకి వెళితే.. నా పేరు సూర్య. నా పేరులో ఉన్న వెలుగు జీవితంలో మిస్సై సంవత్సరం అవుతోంది. ఏడాది పాటు చీకటితో నేను చేసిన యుద్ధంతో ఇంకా బతికున్నానంటే అందుకు కారణం వైశాలి.. అంటూ శర్వానంద్ వాయిస్ ఓవర్ తో మొదలైన పడి పడి లేచే మనసు ట్రైలర్ సాయి పల్లవి - శర్వానంద్ ల మధ్యన రొమాంటిక్ క్యూట్ ప్రేమ కథని తెలియజేస్తుంది. వైశాలినే తన ప్రపంచంలా భావించే సూర్యకి అనుకోకుండా సూర్య బిహేవియర్ తో విసిగిపోయిన వైశాలి బ్రేకప్ చెప్పడంతో.. మొదలైన ఎమోషన్ మళ్లీ తన ప్రేమను బ్రతికించుకోవడానికి సూర్య పడే తపనతో ఎమోషనల్ గా... ఫన్నీగా ట్రైలర్ ఎండ్ అవుతుంది. ఇక ట్రైలర్ మధ్యలో ప్రియదర్శి .. నువ్వు ఇన్‌స్టెంట్‌గా ఇన్ని దోశలు ఎలా వేస్తావ్‌ రా..? అని శర్వాను అడిగితే.. ఆకలి రా బై ఆకలి.. అంటూ శర్వా చెప్పే ఫన్నీ డైలాగ్స్ ఆకట్టుకునేలా ఉన్నాయి.
ఆకట్టుకున్న సాయి పల్లవి
శర్వానంద్ - సాయి పల్లవి మధ్యన కెమిస్ట్రీ అద్భుతంగా సెట్ అయ్యింది. హగ్గులు, ముద్దులు మాత్రమే కాదు ఎమోషనల్ గా టచ్ చేసింది ఈ జంట. ట్రైలర్ మొత్తం శర్వా, సాయి పల్లవిలే. మధ్యలో ఒక డైలాగు లో ప్రియదర్శి దర్శనం అంతే. ఇక శర్వానంద్ న్యూ లుక్ ఓకె ఓకె గా ఉన్నప్పటికీ.. సాయి పల్లవి మేకప్ లేకుండా ఆకట్టుకోవడమే కాదు.. మళ్ళి నటనపరంగా ధి బెస్ట్ ఇచ్చేసింది. నార్మల్ లుక్స్ తోనే ఎక్స్ ప్రెషన్స్ తో చంపేసింది. ట్రెడిషనల్ గా మెడికో పాత్రలో సాయి పల్లవి సూపర్ గా ఉంది. ఇక హను రాఘవపూడి దర్శకత్వం, సినిమాటోగ్రఫీ సినిమాకి హైలెట్ గా నిలిచేలా కనబడుతున్నాయి. మరి డిసెంబర్ 21 రాబోతున్న చిత్రాలకు పడి పడి లేచే మనసు గట్టి పోటీ ఇచ్చేలా కనబడుతుంది.