ప్లాన్ మార్చి.. పైపై కి !!

బాహుబలితో ఇండియా ని మాత్రమే కాదు.. ప్రపంచాన్నే తన వైపు తిప్పుకున్న ప్రభాస్ ఆ తర్వాత ఆ క్రేజ్ ని నిలబెట్టుకోవడానికి నానా తంటాలు పడుతున్నాడు. బాహుబలి తర్వాత ప్లానింగ్ లేని ప్రభాస్ సాహో అంటూ హాలీవుడ్ స్టయిల్ మూవీ తో చేతులు కాల్చుకున్నాడు. బాహుబలి క్రేజ్ తో సాహో బాలీవుడ్ లో హిట్ కానీ.. లేదంటే ప్రభాస్ అక్కడ అట్టర్ ప్లాప్ అయ్యేవాడే. మళ్లీ ఒకే ఒక్క సినిమా అనుభవం ఉన్న రాధాకృష్ణ తో రాధేశ్యాం తీస్తున్నాడు. ఆ సినిమాపై బాలీవుడ్ లో పెద్దగా క్రేజ్ కనిపించడం లేదు. ఈ విషయం ప్రభాస్ కూడా గమనించాడు. అందుకే తన ప్లానింగ్ మార్చి… తెలుగు డైరెక్టర్ నాగ్ అశ్విన్ తో కలిసి దీపిక పదుకొనె హీరోయిన్ గా ఓ మూవీ అనౌన్స్ చేసాడు. అలా అని ఆగాడా…

లేదు మళ్ళీ బాలీవుడ్ లో స్ట్రయిట్ మూవీ ని సెట్ చేసుకున్నాడు. ఓం రనౌత్ డైరెక్షన్ లో టి సీరీస్ నిర్మాణంలో ఆదిపురుష్ అంటూ ఓ భారీ విజువల్ ఎఫెక్ట్స్ ఉన్న మూవీని ఎనౌన్స్ చేసాడు. ఈ సినిమా 300 కోట్ల బడ్జెట్ టార్గెట్ గా తెరకెక్కుతుంది. రాధేశ్యాం తో రాంగ్ స్టెప్ వేసిన ప్రభాస్ మళ్ళీ ఎలా ప్లాన్ చేస్తాడో అనుకుంటే ఎవరి ఊహకి అందని ప్లాన్స్ తో బాలీవుడ్ హీరోలకే చెక్ పెడుతున్నాడు. బాహుబలి తర్వాత క్రేజ్ తగ్గిన ప్రభాస్ ని మ్యాచ్ చెయ్యడానికి రామ్ చరణ్, ఎన్టీఆర్ RRR తో వచ్చేస్తుంటే బన్నీ పుష్ప తో గురిపెట్టాడు. కానీ ఇప్పుడు ప్రభాస్ వరసగా రెండు పాన్ ఇండియా మూవీస్ తో పై పైకి వెళ్ళిపోయాడు. ఇప్పట్లో ప్రభాస్ ని మ్యాచ్ చెయ్యడం టాలీవుడ్ హీరోల వల్ల అయ్యే పని కాదు.