చరణ్ ప్రస్తుతం బోయపాటి డైరెక్షన్ లో ఓ సినిమా చేస్తున్న సంగతి తెలిసిందే. ప్రస్తుతం ఈ సినిమా రెండవ షెడ్యూల్ షూటింగును జరుపుకుంటోంది. జూన్ రెండో వారంలో ఈ షెడ్యూల్ పూర్తి కానుంది. ఇక మూడవ షెడ్యూల్ లో ప్రధానమైన పాత్రల మధ్య అతిముఖ్యమైన సన్నివేశాలను చిత్రీకరించనున్నట్టుగా సమాచారం.
చరణ్ కు గట్టి పోటీ తప్పదా..?
సినిమా షూటింగ్ త్వరగా ముగించుకుని వచ్చే సంక్రాంతికి ఈ సినిమాను రిలీజ్ చేయాలనీ ప్లాన్ చేస్తున్నాడు చరణ్. అయితే మరోపక్క బాలకృష్ణ.. ఎన్టీఆర్ బయోపిక్ ను సంక్రాంతికే విడుదల చేయనున్నట్టు ఆల్రెడీ ప్రకటించేశారు. ప్రతి సంక్రాంతికి బాలకృష్ణ సినిమా కచ్చితంగా ఉంటుంది, ఎందుకంటే బాలయ్యకు సంక్రాంతి పండగ సెంటిమెంట్. సో, ఎట్టి పరిస్థితుల్లో సంక్రాంతికి ఎన్టీఆర్ బయోపిక్ వచ్చే అవకాశాలు ఎక్కువగానే ఉన్నాయి. బాలకృష్ణ సినిమా.. అందునా అది ఎన్టీఆర్ జీవితచరిత్ర కనుక, చరణ్ గట్టి పోటీనే ఎదుర్కోవలసి ఉంటుంది. అయినా ఓకే అనుకుని రంగంలోకి దిగుతారా? లేదంటే విడుదల తేదీని మార్చుకుంటారా? అనేది చూడాలి.