ఇంత త్వరగానా జక్కన్నా?

#RRR అభిమానులకు, ఎన్టీఆర్, రామ్ చరణ్ అభిమానులకు రాజమౌళి హోల్సేల్ గా భారీ షాకిచ్చాడు. #RRR సినిమా షూటింగ్ ఎన్టీఆర్, రామ్ చరణ్ గాయాల వలన వాయిదాల మీద వాయిదాలు పడడం, రామ్ చరణ్ సై రా ప్రమోషన్స్ తో #RRR షూట్ కి డుమ్మాకొట్టడంతో.. #RRR సినిమా వచ్చే ఏడాది జులై 30 కి విడుదలవడం జరిగే పని కాదంటూ ప్రచారం జరిగింది. ఇక సినిమా మొదలై ఇన్నిరోజులైనా జక్కన్న ఎన్టీఆర్ కి హీరోయిన్ ని సెట్ చెయ్యలేకపోయాడంటూ.. సోషల్ మీడియాలో కామెంట్స్ మొదలయ్యాయి. వాస్తవం కూడా అదే. కానీ తాజాగా జక్కన్న ఇచ్చిన షాక్ కి అందరి మైండ్స్ బ్లాంక్ అయ్యిపోయాయి.

అదేమిటంటే.. రాజమౌళి #RRR షూటింగ్ ని అప్పుడే 70 శాతం పూర్తి చేసాడని, ఎన్టీఆర్ హీరోయిన్ ని ఈరోజు అధికారికంగా ప్రకటించబోతున్నారంటూ… సోషల్ మీడియాలో #RRR పేజీ నుండి అప్ డేట్ వచ్చింది. మరి రాజమౌళి అప్పుడే #RRR సినిమాని 70 శాతం ఎప్పుడు పూర్తిచేసాడు భయ్యా అంటూ అందరూ నొసలు చిట్లిస్తున్నారు. అసలు #RRR షూటింగ్ జరిగినట్టే లేదు.. అప్పుడే 70 శాతం ఫినిషా అంటూ నోళ్లెళ్లబెడుతున్నారు. మరి నిజం గానే జక్కన్న ఇంత త్వరగా సినిమా షూటింగ్ ని ఓ కొలిక్కి తేవడం అనేది షాకింగ్ విషయమే. ఎప్పుడు చెక్కిందే చెక్కే జక్కన్న ఇంత ఫాస్టా అంటున్నారు. అదలా ఉంటే ఇప్పుడు ఎన్టీఆర్ సరసన నటించబోయే ఆ హీరోయిన్ పై అందరిలో పిచ్చ ఆసక్తి నెలకొంది. మరి రాజమౌళి ఆ హీరోయిన్ ని ప్రకటించి.. #RRR పై ఇంకేం చెబుతాడో అంటూ అందరూ తెగ ఇంట్రెస్ట్ తో ఎదురు చూస్తున్నారు.