కూతురికి పేరు పెట్టిన అలియా-రణబీర్.. ఒక్కో భాషలో ఒక్కో అర్థమంటూ పోస్ట్

తాజాగా తమ పాపకి నామకరణం చేశామని అలియా తన ఇన్ స్టా హ్యాండిల్ లో పోస్టుపెట్టింది. అలియా, రణబీర్, పాప ఉన్న ఫోటోని షేర్ చేసి.. "తనకి రాహా అని పేరు పెట్టాము. వాళ్ళ డాడీనే ఈ పేరు సూచించాడు. ఈ పేరుకు అనేక అర్దాలు ఉన్నాయి. రాహా అంటే అసలైన అర్ధం దైవ మార్గం. అలాగే స్వాహిలి భాషలో ఆనందం, సంస్కృతంలో వంశం, బెంగాలీలో విశ్రాంతి, సౌకర్యం, అరబిక్‌లో శాంతి అనే అర్దాలు వస్తాయి. అలాగే సంతోషం, స్వేచ్ఛ అనే అర్దాలు కూడా వస్తాయి. ఈ పేరు నిజంగా తనకి సరిపోతుంది. రాహా రాకతో మా జీవితంలో మరింత కాంతి వచ్చి కొత్త జీవితం ప్రారంభించాము" అని రాసుకొచ్చింది.