తెలుగులో రెండు చిత్రాలతోనే స్టార్ హీరోయిన్ క్రేజ్ ని సొంతం చేసుకున్న రష్మిక మందన్న... ప్రస్తుతం తనని స్టార్ స్టేటస్ ఎక్కించిన విజయ్ దేవరకొండ తో కలిసి డియర్ కామ్రేడ్ చిత్రంలో నటిస్తుంది. చలో సినిమాలో స్టూడెంట్ గాను, గీత గోవిందం సినిమాలో ఐటి అమ్మాయిగా కనబడిన రష్మిక మందన్న ఆ కేరెక్టర్స్ లో ఒదిగిపోయి నటించింది. గీత గోవిందం లో అయితే విజయ్ దేవరకొండ మేడం.. మేడం అంటూ రష్మిక వెనకాల తిరగడం... ఆమె ఈగో, కోపం అన్ని ఆ సినిమాకి గీత కేరెక్టర్ లో పర్ఫెక్ట్ గా సెట్ అయ్యాయి. తాజాగా డియర్ కామ్రేడ్ లోను స్టూడెంట్ గా నటిస్తున్న రష్మిక మరో రెండు కన్నడ సినిమాలు చేస్తుంది.
కన్నడలో పొగరు అనే సినిమాలో హీరో ధృవ్ సార్జా కి రష్మిక జంటగా నటిస్తున్నది. గంగాధర్ నిర్మిస్తోన్న ఈ చిత్రంతో నంద కిషోర్ దర్శకుడు. అయితే ధృవ్ సార్జా సినిమాలో ఛాన్స్ కొట్టేసిన రష్మిక మందన్నఆ సినిమాలో ప్రొఫెసర్ పాత్రలో కనిపించనుందట. మరి స్టూడెంట్ గా, సాఫ్ట్ వెర్ అమ్మాయిగా ఇరగ దీసిన రష్మిక ఇప్పుడు ప్రొఫెసర్ గా ఎలా ఉండబోతుందో అనేది ఆసక్తిని కలిగించే అంశం. ఇక ఈ పొగరు సినిమాలో రష్మిక పాత్రకి చాలా ప్రాధాన్యత ఉండడమే కాదు.. సినిమాకి రష్మిక పాత్ర చాలా కీలకం అంటున్నారు. మరి తెలుగు, కన్నడలో చేతినిండా సినిమాలతో బాగా బిజీ అయిన ఈ పాప భవిష్యత్తులో స్టార్ హీరోల సరసన కూడా ఛాన్స్ లు కొట్టేసి మరింత బిజీ అవుతుందేమో చూద్దాం.