రాజమౌళి బాహుబలిని ఇండియా ఎల్లలు దాటించినట్టుగా.. ప్రస్తుతం తాను చెయ్యబోయే #RRR ని కూడా ఇండియా వైడ్ గా దింపే యోచన చేస్తున్నట్టుగా అనిపిస్తుంది. డివివి దానయ్య నిర్మాతగా భారీ బడ్జెట్ తో తెరకెక్కుతున్న #RRR మూవీ ఫస్ట్ షెడ్యూల్ స్టార్ హీరోల యాక్షన్ సీక్వెన్సెస్ తో సక్సెస్ ఫుల్ గా పూర్తి చేసుకుంది. అయితే ఎన్టీఆర్, రామ్ చరణ్ హీరోలుగా.. రాహుల్ రామకృష్ణ లాంటి నటులు ఈ సినిమా లో నటిస్తున్నారన్నది తప్ప.. మిగతా నటీనటులుగాని, హీరోయిన్స్ ని గాని రాజమౌళి ఇంతవరకు ఎనౌన్స్ చెయ్యలేదు. అసలు టాలీవుడ్ నటులనే తీసుకుంటాడా? లేదంటే బాలీవుడ్, కోలీవుడ్ నటులను కూడా తీసుకుంటాడా? అనేది ఇప్పటివరకు క్లారిటీ లేదు.
మరి #RRR రెండో షెడ్యూల్ నాటికీ హీరోయిన్స్ తో సహా #RRR స్టార్ కాస్ట్ ని రాజమౌళి సిద్ధం చేస్తాడో లేదో తెలియదు కానీ.. ఆ సినిమా లో నటించబోయే నటీనటుల గురించిన ఆసక్తి కేవలం ప్రేక్షకులకే కాదు.. ఆ సినిమా లో ఒక్క ఛాన్స్ వస్తుందనే ఆశతో ఎదురు చూస్తున్న కోలీవుడ్, బాలీవుడ్, టాలీవుడ్ నటులకు కూడా ఉంది. తాజాగా #RRR లో రామ్ చరణ్ కి బాబాయ్ గా ప్రముఖ తమిళ నటుడు సముద్రఖని నటిస్తున్నారని తెలుస్తుంది. తమిళ సినీ పరిశ్రమలో ప్రముఖుడైన ఈ డైరెక్టర్ కమ్ యాక్టర్ ఈ చిత్రంతో తెలుగులోకి ఎంట్రీ ఇస్తున్నాడు. దాంతో రాజమౌళి ఈ సినిమా తమిళ మార్కెట్ ను, అక్కడి ప్రేక్షకులను కూడా అప్పుడే మెల్లిమెల్లిగా సిద్దం చేస్తున్నారని అర్దమవుతోంది.
రాజమౌళి ఈ చిత్రాన్ని ఏ ఏ భాషల్లో విడుదల చేస్తున్నాడు అనేది అప్పుడే చెప్పకపోయినా.. బాహుబలి తరహాలోనే తమిళ, హిందీ, తెలుగు భాషల్లోకి రిలీజ్ అయ్యేలా సిద్దం చేయనున్నారని మాత్రం తెలుస్తోంది. మరి రెండు మూడు భాషల్లో సినిమా విడుదల అంటే... ఆ సినిమా నటులు కూడా నేటివిటీ కోసం ఆ భాషలకు సంభందించిన వారిని సినిమాలో పెట్టడం ప్రస్తుతం జరుగుతున్నదే. మరి సముద్రఖని ని #RRR కోసం ఎంపిక చేసిన రాజమౌళి.. ఇంకెంతమందిని పరభాషా నటులను #RRR తీసుకొస్తాడో చూడాలి.