సినిమా, క్రికెట్ రెండూ కలిపితే ఫుల్ ఎంటర్టైన్మెంట్ అని తెలిసిన విషయమే. సెలెబ్రెటీ క్రికెట్ లీగ్ పేరట మన టాలీవుడ్ హీరోలు ప్రతి ఏడాది క్రికెట్ ఆడుతుంటారు. అయితే హీరోయిన్స్ మాత్రం అటువంటి గేమ్స్ ఆడారు. హీరోలు అయితే సినిమాల్లో కూడా క్రికెట్ ఆడిన సందర్భాలూ ఉన్నాయి. కానీ హీరోయిన్స్ ఆలా ఎప్పుడు ఆడిన సందర్భాలు లేవు. అయితే లేటెస్ట్ గా మన హీరోయిన్స్ సినిమాల్లో స్పోర్ట్స్ ఆడే పాత్రలు చేస్తున్నారు. ముందుగా హీరోయిన్ రష్మిక మందన్నా 'డియర్ కామ్రేడ్' సినిమాలో క్రికెటర్ గా కనిపించబోతోంది. అలానే 'సూర్మ' అనే బాలీవుడ్ సినిమాలో తాప్సీ హాకీ ప్లేయర్ గా కనిపించబోతుంది. ఇప్పుడు నేనేం తక్కువ అన్నట్లు సాయిపల్లవి కూడా ఫుట్ బాల్ ఆడుతోంది అంటున్నారు ఫిలిం నగర్ జనాలు.
ఫుట్ బాల్ నేపథ్యంలో....
హను రాఘవపూడి డైరక్షన్ లో శర్వానంద్ హీరోగా వస్తున్న 'పడి పడి లేచె మనస్సు' సినిమాలో సాయి పల్లవి ఫుట్ బాల్ ప్లేయర్ గా కనిపించనుందట. మొదటి నుండి ఇది ఒక క్యూట్ లవ్ స్టోరీ అని తెలిసిందే. కానీ ఇలా ఫుట్ బాల్ నేపథ్యంలో సాగుతోంది అనేది మాత్రం ఎవ్వరికీ తెలియని అంశం. మరి ఇది ఎంతవరకు నిజమో తెలియాలంటే కొన్ని రోజులు ఆగాల్సిందే.