సాయి పల్లవి.. ఆమె తెరపై కనపడితే చాలు.. అదోరకమైన అనుభూతి
సాయి ఈరోజు పల్లవి 30వ పుట్టినరోజును జరుపుకుంటోంది. మలయాళం 'ప్రేమమ్' సినిమాతో కెరీర్ ప్రారంభించిన ఆమె మొదటి సినిమాతోనే..
హైదరాబాద్ : సాయి పల్లవి.. ఈ పేరు వింటే చాలు యూత్ ఫిదా అయ్యామని చెబుతారు. ఆమె చేసింది తక్కువ సినిమాలే అయినా కూడా క్రియేట్ చేసిన ఇంపాక్ట్ సాధారణమైనది కాదు. ఈరోజు సాయి పల్లవి పుట్టినరోజు. అభిమానులందరూ ఆమెకు పుట్టినరోజు శుభాకాంక్షలు చెబుతూ ఉన్నారు. దక్షిణాది సినీ పరిశ్రమలో సాయి పల్లవి పాపులర్ హీరోయిన్ అయినప్పటికీ ఆమెకు తెలుగు అభిమానులతో ప్రత్యేకమైన అనుబంధం ఉంది. తమిళనాడులోని నీలగిరి జిల్లా కోటగిరిలోని సెంతమరై కన్నన్, రాధ దంపతులకు జన్మించింది. సాయి పల్లవికి చిన్నప్పటి నుంచి డ్యాన్స్ అంటే ఇష్టం. ఎక్కడా శిక్షణ తీసుకోకుండానే తనకు నచ్చిన మ్యూజిక్ వింటూ తనదైన స్టైల్లో స్టెప్పులేసేది. జార్జియాలోని టిబిలిసి మెడికల్ యూనివర్సిటీలో డాక్టర్ కోర్సు పూర్తిచేసింది. ఆమెకు డ్యాన్స్ మీదున్న ప్రేమతో 2009లో ఓ తెలుగు ఛానల్లో నిర్వహించిన డ్యాన్స్ షోలో పాల్గోని ఫైనలిస్ట్ గా నిలిచింది. ఆ తర్వాత 2008లో జయం రవి హీరోగా తెరకెక్కిన ధామ్ ధామ్ సినిమాలో చిన్న పాత్రలో కనిపిస్తుంది.