ప్రస్తుతం మహేష్ బాబు.. వంశీ పైడిపల్లి సినిమాతో షూటింగ్ లో బిజీగా ఉన్నాడు. మహేష్ 25వ చిత్రం కాబట్టి ఈ సినిమాపై ప్రేక్షకుల్లో అంచనాలు బాగానే ఉన్నాయి. ప్రస్తుతం ఈ సినిమా షూటింగ్ 'డెహ్రాడూన్'లో జరుపుకుంటోంది. ఈ షెడ్యూల్ లో మహేష్ తో పాటు కొన్ని ప్రధానమైన పాత్రల కాంబినేషన్లోని కొన్ని కీలకమైన సన్నివేశాలను షూట్ చేస్తున్నారు. ఈ సినిమా ప్రీ ప్రొడక్షన్ టైంలోనే సంక్రాంతికి రిలీజ్ చేయాలనీ అనుకుని దాని ప్రకారమే షెడ్యూల్ వేసి షూటింగ్ స్టార్ట్ చేసారు. కానీ సంక్రాంతికి చాలా సినిమాలు రిలీజ్ కు రెడీ అవుతున్నాయి. అందులో ముఖ్యంగా బాలయ్య - క్రిష్ కాంబినేషన్ లో 'ఎన్టీఆర్' బయోపిక్ సినిమా సంక్రాంతికు రిలీజ్ కానుంది. అలానే బోయపాటి - చరణ్ మూవీతో పాటు అనిల్ రావిపూడి 'ఎఫ్ 2' సినిమా కూడా సంక్రాంతికి విడుదల కానున్నాయి.
సెంటిమెంట్ కూడా కలిసివస్తుందని...
ఇవి కాకుండా రెండు మూడు సినిమాలు కూడా రిలీజ్ అవ్వబోతున్నాయి. దీంతో ఆ సమయంలో రిలీజ్ పెట్టుకుంటే థియేటర్ల సమస్య వస్తుందనీ .. షూటింగు విషయంలోనూ టెన్షన్ పడవలసి వస్తుందని దర్శక నిర్మాతలతో పాటు మహేశ్ బాబు బావించాడట. అందుకే ఈ సినిమాను సంక్రాంతికి కాకుండా ఏప్రిల్ లో రిలీజ్ చేయాలని ప్లాన్ చేస్తున్నారు. ఏప్రిల్ లోనే 'పోకిరి', 'భరత్ అనే నేను' సినిమాలు రిలీజై సూపర్ హిట్ కావడంతో ఆ సెంటిమెంట్ తో ఈ సినిమాను కూడా ఏప్రిల్ లో రిలీజ్ చేస్తే బాగుంటదని మహేష్ ఆలోచనట.