అనూ ఇమ్మాన్యుయేల్ చేసింది తక్కువ సినిమాలే అయిన పవర్ స్టార్ పవన్ కళ్యాణ్ లాంటి స్టార్ హీరో పక్కన చేసి టాలీవుడ్ లో మెయిన్ హీరోయిన్స్ లిస్ట్ లో చేరిపోయింది. తన గ్లామర్ తో.. ఒక చిన్నపాటి నవ్వుతోనే ఈ బ్యూటీ కుర్రకారు మతులు పోగొడుతోంది. లేటెస్ట్ గా ఈ అమ్మడు 'శైలజా రెడ్డి అల్లుడు' అనే సినిమా చేస్తుంది.
కొత్తగా కనిపిస్తాను...
మారుతీ డైరెక్షన్ లో తెరకెక్కుతున్న ఈ చిత్రంలో నాగ చైతన్యకి జోడిగా తొలి సారిగా నటిస్తున్న అను ఈ సినిమాలో ఎటువంటి పాత్ర చేస్తుందో అని ఆసక్తి అభిమానుల్లో వుంది. అయితే లేటెస్ట్ గా ఆమె ఆ విషయం గురించి చెబుతూ... ఇందులో నాది చాలా ఈగోయిస్టిక్ పాత్ర అని చెప్పింది. అంటే పొగరుగా కనిపించే ఈ పాత్రలో తాను కొత్తగా కనిపిస్తానని అంది.
రమ్యకృష్ణ పాత్రే హైలెట్...
ఇటువంటి పాత్ర చేయడం ఇదే మొదటసారని...తనకి మంచి పేరు తెచ్చిపెడుతుందనే నమ్మకం ఉందని చెప్పింది. ఇక ఈ సినిమాలో తన తల్లిగా రమ్య కృష్ణ పాత్ర సినిమాకే హైలైట్ గా నిలుస్తుందనే అభిప్రాయాన్ని వ్యక్తం చేసింది. నాగ చైతన్య తో నటించడం చాలా ఆనందంగా ఉందని చెబుతుంది.