శ్రీముఖిని టార్గెట్ చేసిన వరుణ్

బిగ్ బాస్ 3 మొదలైనప్పటినుంచి స్ట్రాంగ్ కంటెస్టెంట్ గా కనబడుతున్న శ్రీముఖి.. వారం వారం హౌస్ మేట్స్ చేతిలో ఎలిమినేషన్ కి నామినేట్ అవుతూనే ఉంది. ఎప్పటికప్పుడు సేఫ్ గేమ్ ఆడి తప్పించుకుంటున్న శ్రీముఖి ఈసారి అడ్డంగా బుక్కైంది. అది కూడా మిస్టర్ కూల్ వరుణ్ సందేశ్ చేతిలో. నిన్న శుక్రవారం జరిగిన ఎపిసోడ్ లో బిగ్ బాస్ కంటెంట్స్ ని ఒకరిద్దరు చొప్పున కన్ఫెషన్ రూమ్ లోకి పిలిచి హ్యాపీ ఫీజ్ తాగిస్తూ సీక్రెట్ గేమ్ ఆడించి వారికి డిన్నర్ పార్టీ ప్లాన్ చేసాడు. అయితే అందరూ ఆ టాస్క్ విషయంలో బాగా ఆడినా…. శ్రీముఖి ఓవర్ యాక్షన్ తో రాహుల్ విషయంలో తాను చెప్పిందే కరెక్ట్.. లేదంటే డిన్నర్ బొక్క పడుతుంది అనే ఓ మాట జారింది.

బొక్క ఎవరికి పడింది…..?

ఇక శ్రీముఖి చెప్పగానే వితిక లాంటి హౌసెమెట్స్ శ్రీముఖికి వంతపాడటం రాహుల్ టాస్క్లో హౌసెమెట్స్ ఓడిపోవడం జరిగింది. దానికి వరుణ్ సందేశ్ నువ్వు బొక్క పడుతుంది అనే వర్డ్ ఎందుకు వాడావు, అలాగే నువ్వు హౌస్ మేట్స్ ని ఇంఫ్లూయెన్స్ చేస్తున్నావు, నువ్వు చెప్పిందే జరగాలంటున్నావు అంటూ వరుణ్, శ్రీముఖిని టార్గెట్ చెయ్యడంతో.. శ్రీముఖి కూడా వరుణ్ మీద విరుచుకుపడింది. అక్కడ వరుణ్ చెప్పింది కరెక్ట్ అవడంతో మిగతా హౌస్ మేట్స్ వాళ్ళ గొడవ మధ్యలోకి వెళ్లకుండా వరుణ్ ని పర్సనల్ గా బలపరచడంతో శ్రీముఖి సైలెంట్ అయ్యింది. చివరిలో వరుణ్ సందేశ్, శ్రీముఖిని హగ్ చేసుకుని ఆ గొడవకి ఫుల్ స్టాప్ పెట్టాడులెండి.